న‌క్ష‌త్రం డిజాస్ట‌ర్‌తో మ‌ళ్లీ సినిమాల జోలికి రాలేదు కృష్ణ‌వంశీ. అయితే… ఆ ప్ర‌య‌త్నాలు తెర వెనుక జ‌రుగుతూనే ఉన్నాయి. చివ‌రికి ఆయ‌న దృష్టి `న‌ట సామ్రాట్‌` అనే మ‌రాఠీ సినిమాపై ప‌డింది. నానా ప‌టేక‌ర్ న‌టించిన ఈ చిత్రానికి బోలెడ‌న్ని అవార్డులు, రివార్డులూ ద‌క్కాయి. ఇప్పుడు ఈ చిత్రాన్ని కృష్ణ‌వంశీ రీమేక్ చేస్తున్నారు. త‌న ఆప్త‌మిత్రుడు ప్ర‌కాష్ రాజ్.. నానా ప‌టేక‌ర్ పాత్ర‌ని పోషిస్తున్నాడు. ఈ చిత్రానికి `రంగ మార్తాండ‌` అనే టైటిల్ ఖ‌రారు చేశారు. రెడ్ బ‌ల్బ్ మూవీస్ సంస్థ ఈ చిత్రాన్ని నిర్మిస్తోంది. ఓ కీల‌క‌మైన పాత్ర‌లో ర‌మ్య‌కృష్ణ కూడా న‌టిస్తోంది. `చంద్ర‌లేఖ‌` త‌ర‌వాత కృష్ణ‌వంశీ ద‌ర్శ‌క‌త్వంలో ర‌మ్య‌కృష్ణ న‌టించ‌లేదు. ఆ లెక్క‌న చూసినా – ఇది క్రేజీ కాంబినేష‌నే అనుకోవాలి. కృష్ణ‌వంశీ సాధార‌ణంగా రీమేక్ సినిమాల జోలికి వెళ్ల‌డు. మ‌రొక‌రి క‌థ‌ని వంశీ ఎలా డీల్ చేస్తాడో చూడాలి.