మ‌ళ్లీ ఫామ్ లోకి రావ‌డానికి నానా తంటాలు ప‌డుతున్నాడు కృష్ణ‌వంశీ. రామ్‌చ‌ర‌ణ్‌తో గోవిందుడు అంద‌రివాడేలే తీసినా.. ఆ సినిమాతో కృష్ణవంశీకి పెద్ద‌గా ప్ర‌యోజ‌నం చేకూర‌లేదు. బాల‌య్య వందో సినిమా కోసం ఓ క‌థ సిద్ధం చేసినా.. అది చివ‌రి క్ష‌ణాల వ‌ర‌కూ ఊరించి, ఊరించి ఉసూరుమ‌నిపించింది. అందుకే.. త‌న‌దైన శైలిలో ఓ క‌థ త‌యారు చేసుకొని యంగ్ బ్యాచ్‌తో లాగించేద్దామ‌ని డిసైడ్ అయ్యాడు. ‘న‌క్ష‌త్రం’ పేరుతో ఇటీవ‌లే సందీప్‌కిష‌న్‌తో ఓ సినిమాని లాంఛ‌నంగా మొద‌లెట్టారు. ఇప్పుడు ఈ సినిమాలో హీరోయిన్ కూడా దొరికేసిన‌ట్టు టాలీవుడ్ టాక్‌.
ఆ ఛాన్స్ నందిత‌కు ద‌క్కింద‌ట. బ‌స్ స్టాప్‌, ప్రేమ‌క‌థాచిత్రమ్ సినిమాల‌తో ఆక‌ట్టుకొంది నందిత. మొన్నామ‌ధ్య సావిత్రి అంటూ సంద‌డి చేసింది. నందిత అయితే.. హీరోయిన్ రోల్‌కి యాప్ట్ అని భావించిన కృష్ణ‌వంశీ ఆమెను ఎంపిక చేసుకొన్నాడ‌ని తెలుస్తోంది. నిజానికి ఈ రోల్ కోసం పెద్ద పెద్ద హీరోయిన్ల పేర్లు వినిపించాయి. కాజ‌ల్‌నీ సంప్ర‌దించారు. కానీ ఏమైందో చివ‌రికి నందిత వ‌చ్చి చేరింది. అతి త్వ‌ర‌లో ఈ సినిమా రెగ్యుల‌ర్ షూటింగ్ ప్రారంభించుకొంటుంది. ఈలోగా క‌థానాయిక ఎవ‌ర‌న్న‌ది అధికారికంగా ప్ర‌క‌టిస్తారు.
