పైర‌సీ ఏ స్థాయిలో విజృంభిస్తుందో ప్ర‌త్యేకంగా చెప్పాల్సిన ప‌నిలేదు. ర‌హ‌స్యంగా ఇంట్లో.. చూడాల్సిన పైర‌సీ సీడీలు ఇప్పుడు బ‌స్సెక్కేశాయి. నిన్నా మొన్న‌టి వ‌ర‌కూ ప్రైవేటు ట్రావెల్స్ బ‌స్సుల్లో పైర‌సీ సీడీలు య‌దేచ్ఛ‌గా చూపించేశారు. ఇప్పుడు ఆర్టీసీ బ‌స్సుల్లోనూ ఆ జాడ్యం మొద‌లైంది. నాని న‌టించిన చిత్రం కృష్ఱార్జున యుద్ధం విడుద‌లై వారం రోజులు కూడా కాలేదు. ఇప్పుడు తెలంగాణ ఆర్టీసీకి చెందిన గ‌రుడ‌ బ‌స్సుల్లో ఈ సినిమాని ప్ర‌ద‌ర్శించేస్తున్నారు. ఈ విష‌యం.. ఓ ప్ర‌యాణికుడి ట్వీట్‌ద్వారా వెలుగులోకి వ‌చ్చింది. అది కాస్త కేటీఆర్ వ‌ర‌కూ వెళ్లింది. దాంతో కేటీఆర్ మండి ప‌డ్డారు.

ఇది ఆర్టీసీ సిబ్బంది బాధ్యతా రాహిత్య‌మే ఇక మీద‌ట‌ ఆర్టీసీ బస్సుల్లో ఇలాంటి చర్యలు పునరావృతం కాకుండా శాఖాపరమైన చర్యలు తీసుకోవాలని ఆర్టీసీ ఎండీని కోరారు. గ‌రుడ బ‌స్సులో ఆ సీడీకి ఎవ‌రు తెచ్చారు? ఎవ‌రు ప్ర‌ద‌ర్శించారు అనే దానిపై విచార‌ణ జ‌రుగుతోంది. వాళ్ల‌పై ఎలాంటి చ‌ర్చ‌లు తీసుకుంటారో చూడాలి.