https://www.youtube.com/watch?v=pdfyHCkKa_8
సినిమాలో వినోదాన్ని బలంగా చెప్పాలని, ప్రేక్షకులను నవ్వించాలని ప్రయతించే దర్శకుడు మేర్లపాక గాంధీ. ‘వెంకటాద్రి ఎక్స్‌ప్రెస్‌’, ‘ఎక్స్‌ప్రెస్‌ రాజా’ సినిమాలతో ప్రేక్షకులను నవ్వించిన ఈ దర్శకుడు, వరుస విజయాలలో వున్న నాని హీరోగా తెరకెక్కిస్తున్న సినిమా ‘కృష్ణార్జున యుద్ధం’. ఇందులో నాని డ్యూయల్ రోల్ చేస్తున్నాడు. గెటప్పుల్లో మాత్రమే కాదు డైలాగ్ డెలివరీలోనూ నాని వైవిధ్యం చూపించాడు. మాములుగా సినిమాలో ఒక్క నాని వుంటే వినోదానికి లోటు వుండదు. ఇందులో ఇద్దరు నానిలు వున్నారు. సో.. రెండింతలు వినోదం వుంటుందని దర్శకుడు టీజర్ ద్వారా క్లారిటీ ఇచ్చాడు. ‘యాడుంటార్రా గోపికలు’, ‘ఆడోళ్ళు భలే కఠినాత్ములు’ డైలాగ్స్ కృష్ణ క్యారెక్టర్ గురించి, ‘నూడుల్స్ చేయడానికి, నువ్ అమ్మాయిని పడేయడానికి ఒకటే టైమ్ పడుతుంది. ఎలా రా? అని బ్రహ్మాజీ చెప్పే డైలాగ్ అర్జున్ క్యారెక్టర్ గురించి హింట్ ఇచ్చాయి. సాధారణంగా కృష్ణుడు గోపికల వెంట పడతాడు. ఇక్కడ దర్శకుడు క్యారెక్టర్ రివర్స్ చేసినట్టు వున్నాడు. ఇక, చివర్లో రామాయణంలో ధర్మరాజు, కృష్ణంరాజు, ఎడిటర్ గౌతమ్ రాజు కూడా వుంటారని చెప్పే డైలాగ్ పీక్స్. వినోదంతో పాటు దర్శకుడు రొమాన్స్ ని కూడా బాగా చూపించాడు. యుద్ధం అన్న తర్వాత ఫైట్స్ లేకుండా ఉంటాయా చెప్పండి! అనుపమా పరమేశ్వరన్, రుక్సార్ మీర్ హీరోయిన్లుగా నటించిన ఈ సినిమా ఏప్రిల్ 12న ఈ సినిమా విడుదల కానుంది. షైన్ స్క్రీన్స్ పతాకంపై హరీష్ పెద్ది, సాహు గారపాటి సినిమాను నిర్మించారు.
