సుకుమార్ రైటింగ్స్ నుండి వచ్చిన సినిమా కుమారి 21ఎఫ్. ప్రస్తుతం థియేటర్లలో సందడి చేస్తున్న ఈ సినిమా యువతని బాగా ఆకట్టుకుంటుంది. యూత్ ని బేస్ చేసుకునే ఈ కథ రాసుకున్న సుకుమార్ సినిమాను వారికి దగ్గరకు చేర వేయడంలో సక్సెస్ అయ్యాడు. సుకుమార్ నిర్మాతగా సూర్య ప్రతాప్ డైరెక్ట్ చేసిన ఈ సినిమా మొదటి షో నుండి మంచి టాక్ తెచ్చుకుని కలక్షన్స్ కుమ్మేస్తుంది. అయితే సినిమా ఫ్యామిలీ ఆడియెన్స్ చూసే విధంగా లేదని విమర్శలు వస్తున్నా వాటినేమి పట్టించుకోవట్లేదు సుక్కు.

సుకుమార్ ఈ సినిమాలో కొన్ని సీన్లు కాపీ కొట్టాడంటూ రచ్చ చేయడం మొదలెట్టారు నెటిజెన్లు. సినిమా మాధ్యమాలు బాగా ఎక్కువయ్యే సరికి ప్రతి హాలీవుడ్ సినిమా చూసే విధంగా పరిస్థితులు ఏర్పడ్డాయి అందుకే ఏ సినిమా దేన్ని పోలీ ఉంది… ఏ సీన్లు ఎక్కడ నుండి కాపీ చేశారని ఇట్టే కనిపెట్టేస్తున్నారు. ప్రస్తుతం కుమారికి సంబంధించిన సీన్లు కూడా రెండు హాలీవుడ్ సినిమాల నుండి లేపేసినవంటూ చెప్పుకుంటున్నారు.

కుమారిలో కొన్ని సీన్లు ‘లీలా సేస్’ అనే సినిమాలోవి పోలీ ఉండగా.. ఇక క్లైమాక్స్ ను మాత్రం ‘ది సీక్రెట్ ఇన్ దెర్ ఐస్’ సినిమా నుండి యాజిటీజ్ దించాడని అంటున్నారు. సుకుమార్ మాత్రం వీటన్నీటి గురించి ఆలోచించకుండా సినిమా సక్సెస్ ని ఎంజాయ్ చేస్తున్నాడు.