త‌మ‌న్నా మ‌రోసారి బాలీవుడ్‌లోకి అడుగుపెడుతోందా? ఆ అవ‌కాశాలు ఉన్నాయంటున్నాయి చిత్ర వ‌ర్గాలు. ఇటీవ‌ల బాలీవుడ్ ద‌ర్శ‌కుడు కునాల్ కోహ్లి త‌మ‌న్నాని క‌ల‌సి ఓ క‌థ వినిపించాడ‌ట‌. ఇదో లేడీ ఓరియెంటెడ్ క‌థ అని తెలుస్తోంది. హిందీతో పాటు తెలుగు, త‌మిళ, క‌న్న‌డ భాష‌ల్లోనూ విడుద‌ల చేయాల‌న్న‌ది కునాల్ ఆలోచ‌న‌. ఇది వ‌ర‌కు కునాల్ ‘ఫ‌నా’ అనే సూప‌ర్ డూప‌ర్ హిట్ చిత్రాన్ని తెర‌కెక్కించాడు. కునాల్ పై న‌మ్మ‌కంతో ఈ క‌థ‌ని సింగిల్ సిట్టింగ్‌లోనే త‌మ‌న్నా ఓకే చేసింద‌ట‌. అయితే త‌మ‌న్నాకి బాలీవుడ్ ఏమాత్రం క‌ల‌సి రాలేదు. భారీ ఆశ‌లు పెట్టుకొన్న హిమ్మ‌త్ వాలా బోల్తా కొట్టింది. హ‌మ్ ష‌క‌ల్స్ కూడా అంతే. ప్ర‌భుదేవాతో తీసిన ‘అభినేత్రి’ హిందీ వెర్ష‌న్ బాలీవుడ్ లోనూ విడుద‌లైంది. కానీ ఏ సినిమా ఆడ‌లేదు. త‌మ‌న్నా హిందీ చిత్రసీమ‌కు ప‌నికిరాద‌న్న కామెంట్లూ వినిపించాయి. ఇక బాలీవుడ్ త‌లుపులు మూసుకుపోయాయ‌నుకొంటున్న త‌రుణంలో ఈ ఆఫ‌ర్ రావ‌డం నిజంగా అదృష్ట‌మే. మ‌రి ఫ‌లితం ఎలా ఉండ‌బోతోందో చూడాలి.