‘జై ల‌వ‌కుశ‌’కు సంబంధించి రెండు టీజ‌ర్స్ విడుద‌ల చేసింది చిత్ర‌బృందం. అందులో జై పాత్ర‌నీ, ల‌వ‌కుమార్ పాత్ర‌నీ రివీల్ చేశారు. కుశ‌కు సంబంధించిన ఓ టీజ‌ర్ క‌ట్ చేశార‌ని, దాన్ని త్వ‌ర‌లో విడుద‌ల చేస్తార‌ని చెప్పుకొన్నారు. అయితే కుశ ఫ‌స్ట్ లుక్ వ‌చ్చింది గానీ, టీజ‌ర్ బ‌య‌ట‌కు రాలేదు. త్వ‌ర‌లోనే థియేట‌రిక‌ల్ ట్రైల‌ర్ వ‌చ్చేస్తోంది. కాబ‌ట్టి కుశని చూడ‌లేం అనుకొన్నారు ఎన్టీఆర్ అభిమానులు. అయితే.. అలాంటిదేం లేద‌ట‌. కుశ టీజ‌ర్ కూడా సిద్ద‌మైపోయింద‌ట‌. ఈనెల 5న ఆ టీజ‌ర్ చూపిస్తార్ట‌. జై పాత్ర ర‌ఫ్ అండ్ ట‌ఫ్‌గా క‌నిపించింది. ల‌వ కుమార్‌.. ల‌వ‌బుల్‌గా ఉన్నాడు. ఇక కుశాల్ ఎలా ఉండ‌బోతున్నాడో చిత్ర‌బృందం హింట్ ఇచ్చేసింది. నిజానికి కుశాల్ పాత్రే ఈ సినిమాకి హైలెట్ అట‌. ఎంట‌ర్‌టైన్ మొత్తం కుశాల్‌నే అందిస్తాడ‌ట‌. ”కుశాల్ పాత్ర‌తో అంద‌రూ ల‌వ్‌లో ప‌డిపోతారు. కోన వెంక‌ట్‌లో ఉన్న నాటీ, నాలోని హైప‌ర్‌, బాబీలోని హూ్మ‌ర్ ఇవ‌న్నీ ఆ పాత్ర‌లో ఉంటుంది. నాన్ స్టాప్‌గా న‌వ్విస్తాడు ఆ క్యారెక్ట‌ర్ ఆ స్థాయిలో ఉంటుంది” అని ఈ చిత్రానికి కెమెరామెన్‌గా ప‌నిచేసిన ఛోటా కె.నాయుడు హింట్ ఇచ్చేశాడు.