సినిమా విజయానికి పాటలు కీలకం. ముఖ్యంగా ప్రేమకథలు వర్క్ అవుట్ అవ్వాలంటే వినసొంపైన పాటలు వుండాల్సిందే. విజయ్ దేవరకొండ, సమంత జంటగా నటిస్తోన్న ‘ఖుషి’ ఈ విషయంపై ప్రత్యేక ద్రుష్టిపెట్టినట్లు కనిపిస్తోంది. ఇప్పటికే విడుదలైన రెండు పాటలు ఆడియన్స్ ని ఆలరించాయి. ఇప్పుడు ‘ఖుషి’ టైటిల్ సాంగ్ బయటికి వచ్చింది.
గత రెండు పాటల్లానే ఇదీ మంచి మెలోడి. శివ నిర్వాణ లిరిక్స్‌ అందించగా చిత్ర సంగీత దర్శకుడు హిషామ్‌ అబ్దుల్‌ వాహబ్‌ స్వయంగా ఈ పాట పాడాడు. గత రెండు పాటలని క్యాచిగా రాసిన శివ నిర్వాణ ఈ టైటిల్ సాంగ్ ని కూడా అంతే సింపుల్, బ్యూటీఫుల్ గా అందించాడు. ముఖ్యంగా ఈ పాటలో విజయ్ సమంత ల కెమిస్ట్రీ సూపర్ కూల్ గా వుంది. ఒక పెద్ద మహల్ లో పెళ్లి వేడుక, తర్వాత కొన్ని ఫారిన్ లోకేషన్స్ చూడటానికి అందంగా తీర్చిదిద్దారు. ఈ పాట చూస్తుంటే ఖుషి ఆల్బమ్ లో మరో హిట్ పడినట్లే కనిపిస్తోంది. సెప్టెంబర్ 1న ఈ సినిమా ప్రేక్షకుల ముందుకు వస్తోంది.
