ద‌ర్శ‌కులుగా మారిన రైట‌ర్ల‌కు ఇప్పుడు మంచి డిమాండ్‌. కొర‌టాల శివ‌, అనిల్ రావిపూడి ర‌చ‌యిత‌లుగా ఓ వెలుగు వెలిగి – ఆ త‌ర‌వాత మెగాఫోన్ ప‌ట్టిన‌వాళ్లే. ఈ జాబితాలో మ‌రో ర‌చ‌యిత చేర‌బోతున్నాడు. త‌నే లక్ష్మీభూపాల‌. చంద‌మామ‌, నేనే రాజు నేనే మంత్రి, ఓ బేబీ చిత్రాల విజ‌యాల్లో ల‌క్ష్మీ భూపాల పాత్ర చాలానే ఉంది. ఎప్ప‌టి నుంచో మెగాఫోన్ ప‌ట్టాల‌ని ఆయ‌న ఆలోచ‌న‌. ఇప్పుడు అది నిజం కాబోతోంది. త్వ‌ర‌లోనే ఆయ‌న కెప్టెన్ కుర్చీలో కుర్చుని `స్టార్ట్‌.. కెమెరా..యాక్ష‌న్‌` చెప్ప‌బోతున్నారు.

ఈ చిత్రంలో స‌త్య‌దేవ్ క‌థానాయ‌కుడిగా న‌టిస్తార‌ని స‌మాచారం. ప్ర‌స్తుతం స్క్రిప్టు ప‌నులు జ‌రుగుతున్నాయి. త్వ‌ర‌లోనే ఈ చిత్రానికి సంబంధించిన ఓ అధికారిక ప్ర‌క‌ట‌న వెలువ‌డ‌నుంది. మ‌రోవైపు లక్ష్మీభూపాల సొంత నిర్మాణ సంస్థ‌ని ఏర్పాటు చేయ‌డానికి స‌న్నాహాలు చేస్తున్నారు. త‌న బ్యాన‌ర్ నుంచి కొత్త వాళ్ల‌కు అవ‌కాశాలు ఇవ్వాల‌ని భావిస్తున్నారు. అందుకు సంబంధించిన ఎనౌన్స్‌మెంట్ కూడా త్వ‌ర‌లోనే రాబోతోంది.