తెలుగులో వెబ్ సిరీస్‌ల‌కు ఆదరణ బాగుంటోంది. స్మార్ట్ ఫోనులు, జియో గట్రా డేటా ప్లానుల పుణ్యమా అంటూ ప్రతి ఒక్కరూ ఫ్రీగా సెల్లులో సినిమాలు చూడటానికి ఆసక్తి చూపిస్తున్నారు. అందువల్ల పెద్ద పెద్ద స్టార్లు, ఓ మోస్తరు ఇమేజ్ వున్న నటీనటులు వెబ్ సిరీస్ చేయడానికి ఆసక్తి చూపిస్తున్నారు. ఈ జాబితాలో మంచు లక్ష్మి చేరారు. ‘మిసెస్ సుబ్బలక్ష్మి’ పేరుతో ఆమె ఓ వెబ్ సిరీస్ చేస్తున్నారు. ఆమెను ప్రధాన పాత్రలో పెట్టి ‘దొంగాట’ సినిమా తీసిన వంశీకృష్ణ దీనికి దర్శకుడు. ‘కిట్టు వున్నాడు జాగ్రత్త’ సినిమా తరువాత అతడు దర్శకత్వం వహిస్తున్న ప్రాజెక్ట్ ఇది. షూటింగ్ ఆల్మోస్ట్ చివరికి వచ్చేసింది. ప్రజెంట్ ప్యాచ్ వర్క్ చేస్తున్నారు. ‘యప్ టీవీ’ కోసం తీస్తున్న వెబ్ సిరీస్ ఇది. కామెడీ ఫుల్లుగా వుంటుందట. మంచు లక్ష్మి నటించిన ‘వైఫ్ ఆఫ్ రామ్’ విడుదల తరవాత దీన్ని విడుదల చేయాలని భావిస్తున్నార్ట‌. ఇది క్లిక్ అయితే మరిన్ని వెబ్ సిరీస్‌లు చేసే ఆలోచనలో మంచు కాంపౌండ్ వుంది.