జై టీజ‌ర్‌లో అద‌ర‌గొట్టాడు ఎన్టీఆర్‌. ఈ వినాయ‌క చ‌వితి కానుక‌గా ల‌వ కుమార్ క్యారెక్ట‌ర్‌నీ ప‌రిచయం చేసేశాడు. ఎన్టీఆర్ క‌థానాయ‌కుడిగా న‌టిస్తున్న చిత్రం ‘జై ల‌వ‌కుశ‌’. బాబి ద‌ర్శ‌కుడు. ఇప్ప‌టికే జై ఎలా ఉంటాడో తెలిసిపోయింది. ఇప్పుడు ల‌వ‌కుమార్ వ‌చ్చేశాడు. ‘నా పేరు ల‌వ కుమార్. బ్యాంకు మేనేజ‌ర్‌ని. మంచిత‌నం నా బ‌ల‌హీన‌త‌’ అంటూ త‌న‌ని తాను ప‌రిచ‌యం చేసుకొన్నాడు ల‌వ‌. పుస్త‌కాల్లో ఉంటే పాఠం.. మ‌న‌లో ఉంటే గుణ‌పాఠం.. అదే నా జీవితాన్ని మ‌లుపు తిప్పింది అంటూ త‌న క‌థ చెప్పుకొనే ప్ర‌య‌త్నం చేశాడు. జై ఫుల్ మాస్ అయితే… ల‌వ‌కుమార్ క్లాసీగా క‌నిపించాడు. నానో కారు .. డైలాగ్ డెలివ‌రీ.. డ్ర‌స్సింగ్ స్టైల్ ఇవ‌న్నీ ల‌వ కుమార్‌గా ఎన్టీఆర్ ఎలా ఉండ‌బోతున్నాడో రుచి చూపించేశాయి. ఇక చూడాల్సింది… కుశాల్‌నే. ద‌స‌రా సంద‌ర్భంగా ఈ చిత్రాన్ని విడుద‌ల చేస్తున్నారు. సెప్టెంబ‌రు 3న ఆడియో విడుద‌ల చేస్తున్నారు. దేవిశ్రీ ప్ర‌సాద్ సంగీతం అందించిన ఈ చిత్రానికి క‌ల్యాణ్ రామ్ నిర్మాత‌.