వ‌రుణ్ తేజ్ తో పెళ్ల‌య్యాక సినిమాలు చేయ‌లేదు లావ‌ణ్య త్రిపాఠి. కొన్ని వెబ్ సిరీస్‌ల‌లో క‌నిపించింది కానీ, అవ‌న్నీ పెళ్లికి ముందు ఒప్పుకొన్న ప్రాజెక్టులు. ఇప్పుడు.. కొంత విరామం త‌ర‌వాత ఓ సినిమాపై సంత‌కం చేసింది లావ‌ణ్య. ఈ చిత్రానికి `స‌తీ లీలావ‌తి` అనే టైటిల్ రిజిస్ట‌ర్ చేయించిన‌ట్టు స‌మాచారం. ఇదో లేడీ ఓరియెంటెడ్ సినిమా. క‌థానాయిక పాత్ర‌కు చాలా ప్రాధాన్యం ఉంద‌ని తెలుస్తోంది. ఓ యువ హీరో ఈ చిత్రంలో న‌టించ‌బోతున్నాడు. అత‌నెవ‌రు? ఇత‌ర వివ‌రాలేంటి? అనే సంగ‌తులు త్వ‌ర‌లో తెలుస్తాయి.
క‌థానాయిక‌గా మంచి ఫామ్‌లో ఉండ‌గానే, వ‌రుణ్‌తో పెళ్లి చేసుకొంది లావ‌ణ్య. పెళ్ల‌య్యాక సినిమాల‌కు దూరంగా ఉంటుంద‌నుకొన్నారు. కానీ.. త‌ను కెమెరాకు దూరం కాలేదు. ఈమ‌ధ్య లావ‌ణ్య ద‌గ్గ‌ర‌కు చాలా క‌థ‌లు వెళ్లాయి. కానీ… అవేం లావ‌ణ్య‌ను పెద్ద‌గా క‌దిలించ‌లేదు. ‘స‌తీ లీలావ‌తి’ క‌థ న‌చ్చ‌డంతో ఈ ప్రాజెక్టు ఓకే చేసేసింది. స‌తీ లీలావ‌తి అన‌గానే క‌మ‌ల్ హాస‌న్ ఆల్ టైమ్ హిట్ సినిమా గుర్తొస్తుంది. అది వినోదాత్మ‌కంగా సాగే క‌థ. ఈ రెండు సినిమాల క‌థ‌ల‌కూ ఎలాంటి సంబంధం లేదు. కేవ‌లం టైటిల్ మాత్ర‌మే వాడుకొన్నారంతే. అయితే ఈసారి.. భార్యాభ‌ర్త‌ల అనుబంధాన్ని కొత్త కోణంలో చూపించ‌బోతున్న‌ట్టు తెలుస్తోంది.
