ప్రముఖ సినీరచయిత సాయిమాధవ్ బుర్రా గౌరవ డాక్టరేట్ అందుకున్నారు. సినీరంగంలో రచయితగా తన ప్రస్థానాన్ని గుర్తించి కాలిఫోర్నియాకు చెందిన న్యూలైఫ్ థియొలాజికల్ యూనివర్సిటీ ఆయన గౌరవ డాక్టరేట్ అందించింది. హైదరాబాద్, రవీంద్రభారతిలో ఆయనకు డాక్టరేట్ ను ప్రధాన కార్యక్రమం జరిగింది. ఈ పురస్కారాన్ని అందుకున్న సాయిమాధవ్.. డాక్టరేట్ ని తన తల్లిదండ్రులకు అంకితమిచ్చినట్లు వెల్లడించారు. పలువురు సినీరాజకీయ ప్రముఖులు ఈ కార్యక్రమంలో పాల్గొన్నారు.
నాటక రచయితగా కెరీర్ ని ప్రాంభించిన సాయి మాధవ్ బుర్రా.. టాలీవుడ్ దర్శకులు క్రిష్ ప్రోత్సాహంతో సినిమాలవైపు వచ్చారు. క్రిష్ తో ఆయన ప్రయాణం విలక్షణంగా సాగింది. మనసు, మెదడుని కదిలించే మాటలు రాసిన రచయితగా తక్కువ కాలంలోనే పేరుతెచ్చుకున్నారు బుర్రా. కృష్ణం వందే జగద్గురం, కంచె, గౌతమిపుత్ర శాతకర్ణి., సైరా చిత్రాలకు సాయి మాధవ్ అందించిన మాటలు కొన్ని తూటాల్లా పేలాయి. మళ్ళీ మళ్ళీ ఇది రాని రోజు, మహానటి చిత్రాల్లో మనసుని కదిలించే మాటలు రాశారు. త్వరలో ప్రేక్షకుల ముందుకు రానున్న భారీ సినిమా ఆర్ఆర్ఆర్ కి కూడా మాటలు అందించారు సాయి మాధవ్ బుర్రా.
