ముకుంద’, ‘కంచె’ వంటి విభిన్న కథా చిత్రాల్లో హీరోగా నటించి తనకంటూ ఓ ప్రత్యేక ఇమేజ్‌ని ఏర్పరుచుకున్న మెగాబ్రదర్‌ నాగబాబు తనయుడు సుప్రీమ్‌ హీరో వరుణ్ తేజ్ హీరోగా డాషింగ్‌ డైరెక్టర్‌ పూరి జగన్నాథ్ దర్శకత్వంలో సి.కె.ఎంటర్‌టైన్‌మెంట్స్‌ ప్రై. లిమిటెడ్‌ సి.కళ్యాణ్‌ సమర్పణలో శ్రీశుభశ్వేత ఫిలింస్‌ పతాకంపై సి.వి.రావు, శ్వేతలానా, వరుణ్, తేజ నిర్మించిన భారీ చిత్రం’లోఫర్`. డిసెంబ‌ర్ 17న విడుద‌లైంది. చిత్రయూనిట్ వైజాగ్ లో సక్సెస్ టూర్ లో పాల్గొన్నారు. ఈ సందర్భంగా శనివారం ఏర్పాటు చేసిన పాత్రికేయుల సమావేశంలో…
పూరి జగన్నాథ్ మాట్లాడుతూ ‘’వైజాగ్ లో లోఫర్ సక్సెస్ టూర్ ను నిర్వహించాం. నేను కూడా ఫస్ట్ టైం సక్సెస్ టూర్ కు వెళ్ళాను. ఆడియెన్స్ బాగా రిసీవ్ చేసుకున్నారు. ముఖ్యంగా వరుణ్ తేజ్ నటనకు మంచి రెస్పాన్స్ వస్తుంది. వరుణ్ మూడు సినిమాల్లో మూడు డిఫరెంట్ పాత్రలతో అలరించాడు.మదర్ సాంగ్ ఆడియెన్స్ కు బాగా కనెక్ట్ అయింది. సినిమా చూసిన తర్వాత చాలా మంది రేవతి, పోసాని గారికి కూడా ఫోన్ చేసి అభినందిస్తున్నారట. లోఫర్ సినిమా ఫ్యామిలీ ఆడియెన్స్ కు బాగా కనెక్ట్ అయింది. సపోర్ట్ చేసిన అందరికీ థాంక్స్’’ అన్నారు.
వరుణ్ తేజ్ మాట్లాడుతూ ‘’టూర్ లో భాగంగా వెళ్ళిన చోట అంతా ఆడియెన్స్ నుండి మంచి స్పందన వస్తుంది. నా గత చిత్రాల కంటే ఇందులో డిఫరెంట్ రోల్ చేశాను. చాలా మంది బాగా చేశానని అభినందించారు. పూరిగారితో సినిమాలు చేయాలనుకుంటున్నాను. సహకరించిన అందరికీ థాంక్స్’’ అన్నారు.
ఈ కార్యక్రమంలో సుద్ధాల అశోక్ తేజ, వంశీ, చరణ్ దీప్, రమ్య, నిర్మాత సి.వి.రావు తదితరులు పాల్గొన్నారు.
