ఎస్.ఎం.ఎస్ సినిమాతో టాలీవుడ్ తెరంగేట్రం చేసిన రెజినా తమిళంలో బి గ్రేడ్ సినిమా వేశాలు వేసి వచ్చింది. అయితే ఇక్కడ ఆ మార్క్ పడకుండా ముందునుండి చాలా జాగ్రత్తలు పడుతూ వచ్చిన ఈ భామ వరుసెంట క్రేజీ సినిమాలతో ప్రేక్షకుల్లో ఓ ఇమేజ్ సంపాదించింది. అయితే చేస్తున్న సినిమాలు హిట్టా ఫట్టా అని చూడకుండా దర్శక నిర్మాతలు తనకు అవకాశాలు ఇచ్చుకుంటూ పోతున్నారు.
లాస్ట్ ఇయర్ ఎండింగ్లో వచ్చిన సౌఖ్యం, రీసెంట్ గా వచ్చిన శౌర్య రెండు నిరాశ పరచినా సరే అమ్మడికి అవకాశలు మాత్రం ఒక రేంజ్ లో వస్తున్నాయి. ఓ కొత్త హీరో సరసన ఫ్యాన్సీ అమౌంట్ కు హీరోయిన్ గా చేస్తున్న రెజినా ఇప్పుడు కుర్ర హీరోల సినిమాలో లక్కీ చాన్స్ కొట్టేసిందట. ఊహలు గుసగుసలాడే సినిమాతో నటుడు కాస్త దర్శకుడిగా మారిన అవసరాల శ్రీనివాస్ తన రెండో ప్రయత్నంగా జ్యో అచ్యుతానంద సినిమా చేస్తున్నాడు.
నాగశౌర్య, నారా రోహిత్ కలిసి నటిస్తున్న ఈ సినిమాలో హీరోయిన్ గా రెజినాను తీసుకున్నారని సమాచారం. శ్రీనివాస్ తో కథా చర్చలు నడిపిన రెజినా కథ బాగా నచ్చడంతో ఓకే చెప్పేసిందట. ఫ్లాపులు వస్తున్నా అవకాశాలైతే వస్తున్నాయి కాని అమ్మడికి హిట్ తలుపు తట్టేది ఎప్పుడో చూడాలి మరి.
