సీతారామం లాంటి మెమరబుల్ ఆల్బమ్ ఇచ్చాడు విశాల్ చంద్రశేఖర్. అందులోని పాటలన్నీ హిట్టే. అయితే ఆ సినిమా తర్వాత మళ్ళీ తెలుగులో సినిమా చేయలేదు. ఇప్పుడు అల్లరి నరేష్ బచ్చల మల్లికి మ్యూజిక్ ఇస్తున్నాడు. తాజాగా ఈ సినిమా నుంచి మా వూరి జాతరలో అనే పాట వదిలారు. లైట్ బీట్స్ తో జానపదం స్టయిల్ లో ఈ పాటని స్వరపరిచారు.
మా ఊరి జాతరలో.. కాటుక కళ్ళతో
చాటుగా రమ్మని.. సైగే చేసే చిన్నది
వాముకాడ వరుసగట్టి
మంచం మీన ముద్దులెట్టి
వందేళ్ళ కౌగిలళ్ళు కుంటానన్నది పిల్లది.. అంటూ శ్రీమణి రాసిన సాహిత్యం హీరో, హీరోయిన్ కెమిస్ట్రీని అందంగా చూపింది.
నరేష్, అమృత జోడి ముచ్చటగా వుంది. పాట కంపోజిషన్, చిత్రీకరణ నేచురల్ గా వున్నాయి. ఎలాంటి రణగొణ ధ్వనులు లేకుండా చాలా కూల్ గా పాటని డిజైన్ చేయడం హాయిగా వుంది. సుబ్బు ఈ సినిమా దర్శకుడు. రాజేష్ దండా, బాలాజీ గుత్తా నిర్మాతలు. సెప్టెంబర్ లో సినిమా ప్రేక్షకులు ముందుకు రానుంది.
