మ‌హాన‌టి విడుద‌ల‌కు సిద్ధ‌మైంది. ఈనెల 9న ప్రేక్ష‌కుల ముందుకు వ‌స్తోంది. అంటే స‌రిగ్గా వారం రోజుల స‌మ‌యం ఉంది. ఈలోగా ప్ర‌మోష‌న్ల‌ను ముమ్మ‌రం చేస్తోంది చిత్ర‌బృందం. అయితే.. ఇప్పుడు `మ‌హాన‌టి`కి మోహ‌న్‌బాబు రూపంలో ఓ కొత్త టెన్ష‌న్ మొద‌లైంది. ఈ సినిమాలో మోహ‌న్ బాబు కూడా ఓపాత్ర‌లో క‌నిపించ‌నున్న సంగ‌తి తెలిసిందే. మ‌హాన‌టి పోస్ట్ ప్రొడ‌క్ష‌న్ ప‌నుల‌న్నీ దాదాపుగా అయిపోయాయి. అయితే ఇప్ప‌టి వ‌ర‌కూ మోహ‌న్ బాబు డ‌బ్బింగ్ చెప్ప‌లేదు. ఆయ‌న ప్ర‌స్తుతం ఇక్క‌డ లేరు. ఆప‌రేష‌న్ ప‌నిమీద‌.. అమెరికా వెళ్లారు. ఆయ‌న ఎప్పుడు తిరిగొస్తారో, ఎప్పుడు డ‌బ్బింగ్ చెబుతారో అంటూ చిత్ర‌బృందం ఉత్కంఠ‌త‌తో ఎదురుచూస్తోంది. అమెరికాలోనే డ‌బ్బింగ్ చెప్పించే ఏర్పాటు చేస్తే ఎలా ఉంటుంది? అని చిత్ర‌బృందం ఆలోచ‌న‌లో ప‌డింది. అయితే అంత క్వాలిటీ వ‌స్తుందా, రాదా? అనే భ‌యాల్లో ఉన్నారు. ఒక‌ట్రెండు రోజుల్లో మోహ‌న్ బాబు తిరిగొస్తే స‌రి. లేదంటే.. ప్ర‌త్యామ్నాయ ఏర్పాట్లు చూసుకోవాల‌ని అశ్వ‌నీద‌త్ అండ్ కో భావిస్తోంది.