దూకుడు, అత‌డు లాంటి సినిమాలో కెమెరామెన్ గా ఆక‌ట్టుకున్నాడు గుహ‌న్‌. 118తో ద‌ర్శ‌కుడిగా మారాడు. రెగ్యుల‌ర్ క‌మ‌ర్షియ‌ల్ సినిమా తీయ‌కుండా.. త‌న మార్క్ సృష్టించుకునే ప్ర‌య‌త్నం చేసి స‌క్సెస్ అయ్యాడు. ఇప్పుడు `WWW` చేస్తున్నాడు. టీజ‌ర్  చూస్తే.. ద‌ర్శ‌కుడు ఏదో ఓ కొత్త పాయింట్ చెప్ప‌డానికి ప్ర‌య‌త్నిస్తున్నాడ‌న్న విష‌యం అర్థం అవుతోంది. అన్న‌ట్టు.. ఈ టీజ‌ర్‌ని ఇటీవ‌లే.. మ‌హేష్ బాబు విడుద‌ల చేశాడు.

ఈ సినిమాని మ‌హేష్ ముందు నుంచీ ప్రోత్స‌హిస్తూనే ఉన్నాడు. ఎందుకంటే… గుహ‌న్ త‌న‌కు ఇష్ట‌మైన కెమెరామెన్‌. 118 చూసి, గుహ‌న్ ని పిలిపించి మాట్లాడ‌ట మ‌హేష్‌. ఇప్పుడూ అంతే. `మీ టీజ‌ర్ ని నేను విడుద‌ల చేస్తా` అని చెప్పి మ‌రీ… ఈ సినిమా ప్ర‌మోష‌న్ల‌కు వెన్నుద‌న్నుగా నిలిచాడు. `మీకు ఏం అవ‌స‌రం అయినా చెప్పండి.. నేను ఉన్నా, మీ సినిమా ప్ర‌మోష‌న్ల‌కు నన్ను వాడుకోండి` అని గుహ‌న్ కి బంప‌ర్ ఆఫ‌ర్ ఇచ్చాడ‌ట మ‌హేష్‌. చిన్న సినిమాల‌కు మ‌హేష్ లాంటి స్టార్లు వెంటుంటే ఇంకేం కావాలి..?