సూపర్ స్టార్ మహేష్ నటిస్తున్న బ్రహ్మోత్సవం ఆడియోను మొన్నటిదాకా ఏప్రిల్ 24న తిరుపతిలో చేసేందుకు సిద్ధమైన చిత్రయూనిట్.. అనివార్య కారణాల వల్ల ఆడియో రిలీజ్ ను మే 1కి పోస్ట్ పోన్ చేసిందట. ఇప్పటికే సినిమా టాకీ పార్ట్ పూర్తికావొచ్చిన ఈ సినిమా సాంగ్స్ షూట్ కూడా కంప్లీట్ చేసుకుని ఆడియో రిలీజ్ చేసే ఆలోచనతో ఈ నిర్ణయం తీసుకున్నట్టు తెలుస్తుంది.
సీతమ్మ వాకిట్లో సిరిమల్లె చెట్టు దర్శకుడు శ్రీకాంత్ అడ్డాల డైరెక్ట్ చేస్తున్న ఈ సినిమాను తెలుగు, తమిళ భాషల్లో పరం వి పొట్లూరి నిర్మిస్తున్నారు. సమంత, కాజల్, ప్రణీత హీరోయిన్స్ గా నటిస్తున్న ఈ సినిమాకు మిక్కి జే మేయర్ సంగీతం అందిస్తుండగా నేపథ్య సంగీతం మణిశర్మ అందిస్తున్నాడు. ఆడియోను మే 1న రిలీజ్ చేయాలని అనుకుంటున్న చిత్రయూనిట్ అదే రోజు సినిమా రిలీజ్ డేట్ ను కూడా ఎనౌన్స్ చేస్తారట. ఇప్పటికే రిలీజ్ అయిన టీజర్, పోస్టర్స్ లో సినిమా భారీ అంచనాలు ఏర్పడేలా చేసుకుంది. మరి రిలీజ్ తర్వాత ఎన్ని సంచలనాలు సృష్టిస్తుందో చూడాలి.
