ఈరోజు తెల్ల‌వారుఝామునుంచీ బ్ర‌హ్మోత్స‌వం సంద‌డే. సినిమా ఎప్పుడెప్పుడు చూడాలా, అని మ‌హేష్ బాబు అభిమానులంతా క‌ళ్లు కాయ‌లు కాచేలా ఎదురుచూశారు. రిజ‌ల్ట్ కూడా వ‌చ్చేసింది. ఇప్పుడు వాళ్ల మొహాల్లో వెలుగులు లేవు. అంతటా డివైడ్ టాకే. అయితే సీనియ‌ర్ నటుడు న‌రేష్ మాత్రం – బ్ర‌హ్మోత్స‌వం అద్భుతం, బ్ర‌హ్మాండం.. మ‌హేష్ త‌న రికార్డుల‌న్నీ తానే తిరగ‌రాస్తాడు అంటున్నాడు. అక్క‌డితే ఆగ‌లేదు.. ఈసినిమాని స్టేట్ అవార్డులు (ఆంధ్రానా, తెలంగాణ‌నా?) వ‌చ్చేస్తాయ‌ని, నేష‌న‌ల్ అవార్డు కూడా గ్యారేంటీ అంటున్నాడు. తాను న‌టించిన సినిమా, అందులోనూ మ‌హేష్ బాగా కావాల్సిన వాడు ఆ మాత్రం అన‌డంలో త‌ప్పు లేదు.
అన్న‌ట్టు.. న‌రేష్‌కీ ఈ సినిమాలో ఓ చిన్న పాత్ర ఇచ్చార్లెండి. నాలుగైదు సార్లు క‌నిపిస్తాడు. కానీ డైలాగుల్లేవు. డైలాగులు ఇవ్వ‌ని చాలాపాత్ర‌ల్లో ఆయ‌న్దీ ఒక‌టి కాబ‌ట్టి.. న‌రేష్ కూడా పెద్ద‌మ‌న‌సుతో స‌ర్దుకుపోయాడు. ఇంకోమాటేంటంటే.. కృష్ణ స్పెష‌ల్‌గా బ్ర‌హ్మోత్స‌వం సినిమా చూశారు. మ‌హేష్ అద్భుతంగా చేశాడు.. అందంగా క‌నిపించాడు.. పీవీపీ గ్రేట్ అంటూ ఏవో ఆయ‌న‌కు తోచిన నాలుగు ముక్క‌లు చెప్పేసి వెళ్లిపోయారు.
