సూపర్ స్టార్ మహేష్ అంటే నేషనల్ వైడ్ మంచి ఫాలోయింగ్ ఉంది అన్న సంగతి తెలిసిందే. కేవలం తెలుగు సినిమాల్లోనే నటిస్తున్నా వాణిజ్య ప్రకటనల ద్వారా మహేష్ దేశం మొత్తం అభిమానులను సంపాధించుకున్నాడు. ప్రస్తుతం సూపర్ స్టార్ మహేష్ చేస్తున్న సినిమా బ్రహ్మోత్సవం. ఈ సినిమా షూటింగ్ ఇప్పుడు ఊటీలో జరుగుతుంది. అయితే షూటింగ్ జరుగుతుందని తెలుసుకున్న కొందరు మహేష్ అభిమానులు అక్కడకు చేరుకుని మహేష్ తో ఫోటో దిగారట.
మరి ఇంతవరకు బాగానే ఉన్నా షూటింగ్ గ్యాప్ లో అభిమానులతో ఫోటో సెషన్ పెట్టుకున్న మహేష్ అక్కడకు వచ్చిన వారిలో ఎవరికి కెమెరా ఉన్న సెల్ లేకపోవడంతో కొంత సమయం వృధా అయ్యిందట. చివరకు సినిమా కెమెరా మెన్ తో ఫోటోలు తీయించి పంపించాడట మహేష్. అంతేకాదు తన కోసం ఇక్కడిదాకా రావాల్సిన అవసరం ఏముంది అని గట్టి క్లాస్ ఇచ్చాడట మహేష్.
ఈ సంవత్సరం శ్రీమంతుడు సినిమాతో బ్లాక్ బస్టర్ హిట్ కొట్టిన మహేష్ ప్రస్తుతం నటిస్తున్న బ్రహ్మోత్సవంతో మరో సూపర్ ఫ్యామిలీ ఎంటర్టైనర్ గా మనముందుకు రాబోతున్నాడు. శరవేగంగా షూటింగ్ జరుపుకుంటున్న ఈ సినిమా వచ్చే ఏడాది వేసవిలో విడుదల అయ్యే అవకాశం ఉంది.
