మ‌హా భార‌తం క‌థ‌ని వెండి తెర‌పై చూపించాల‌న్న‌ది రాజ‌మౌళి క‌ల‌. 5 భాగాలుగా మ‌హాభార‌తాన్ని తెర‌కెక్కించాల‌ని భావిస్తున్నారు. అయితే ఈ ప్రాజెక్ట్‌కు మ‌రో ఐదారేళ్ల‌యినా ప‌డుతుంది. ఈలోగా రాజ‌మౌళి దృష్టి రామాయ‌ణంపై ప‌డింద‌ని టాక్‌.

మ‌హేష్ బాబుతో రాజ‌మౌళి ఓ చిత్రాన్ని తెర‌కెక్కిస్తున్న సంగ‌తి తెలిసిందే. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతున్నాయి. ఇండియానా జోన్స్ జోన‌ర్‌కు సంబంధించిన క‌థ ఇద‌ని, నిధుల వేట‌, అట‌వీ నేప‌థ్యంలో సాగుతుంద‌ని వార్త‌లొచ్చాయి. అయితే ఇప్పుడు ఈ ప్రాజెక్టుకు సంబంధించిన మ‌రో ఆస‌క్తిక‌ర‌మైన విష‌యం వెలుగులోకి వ‌చ్చింది. ఈ సినిమా క‌థ‌కీ, రామాయ‌ణానికీ కొంత పోలిక ఉంద‌ట‌. ఓ సంద‌ర్భంలో మహేష్ రాముడిగా క‌నిపించ‌బోతున్నాడ‌ని స‌మాచారం. ఆర్‌.ఆర్‌.ఆర్‌లోని ఓ షాట్ లో రామ్ చ‌ర‌ణ్, అల్లూరి సీతారామ‌రాజు గెట‌ప్ లో ద‌ర్శ‌న‌మిచ్చాడు. ఆ షాట్ కి థియేటర్లు ఊగిపోయాయి. అంత‌కంటే వంద రెట్ల వైబ్… శ్రీ‌రాముడిగా మ‌హేష్ ని చూసిన‌ప్పుడు క‌లుగుతుంద‌ని తెలుస్తోంది. వార‌ణాసి నేప‌థ్యంలో కొంత మేర క‌థ న‌డుస్తుంది. అందుకోసం హైద‌రాబాద్ లో వార‌ణాసి సెట్ ని తీర్చిదిద్దే ప‌నిలో చిత్ర‌బృందం త‌ల‌మున‌క‌లై ఉంది. 2025 ఫిబ్ర‌వ‌రి చివ‌రి వారం నుంచి రెగ్యుల‌ర్ షూటింగ్ మొద‌ల‌య్యే అవ‌కాశం ఉంది.