పెద్ద హీరోల సినిమాలు వాయిదా వేయాలంటే సరైన రీజన్ చెప్పాలి. లేకుంటే అంత బాగోదు. పైగా బల్లగుద్ది మరీ ఫలానా డేట్ కు వస్తాము అని చెప్పిన తరువాత రాకపోతే మరీ బాగోదు. మహేష్ బాబు లేటెస్ట్ సినిమా మహర్షి విడుదల ఏప్రియల్ 25న అని అధికారికంగా ప్రకటించారు. కానీ అనివార్యంగా ఇప్పుడు మే 9కి మారుస్తున్నారు.

అయితే అలా మార్చినట్లు చెప్పడానికి భలే సాకు దొరికింది. మే 9 మహానటి విడుదల తేదీ అంట. మహర్షి నిర్మాతల్లో ఒకరైన అశ్వనీదత్ నిర్మించినదే మహానటి కూడా. అందుకే ఆ డేట్ కే మహర్షి తీసుకువస్తామని ఈ మధ్యాహ్నం నిర్వహించే ప్రెస్ మీట్ లో చెప్పబోతున్నారట.

మే విడుదల అన్నది మహష్ నెగిటివ్ సెంటిమెంట్. అదే మే 9 అన్నది నిర్మాత అశ్వనీదత్ సెంటిమెంట్. అంటే హీరో సెంటిమెంట్ కన్నా నిర్మాత సెంటిమెంట్ కీలకం అన్నమాట.