అ.ఆ అన్నిచోట్లా హౌస్‌ఫుల్స్‌తో న‌డుస్తోంది. టీమ్ అయితే ఫుల్ హ్య‌పీ. నితిన్ కెరీర్‌లో మ‌రో భారీ హిట్ ప‌డిపోయిన‌ట్టే. అయితే.. ఈ హిట్‌.. మ‌హేష్ బాబు ఖాతాకి చేరాల్సింద‌ట‌. అదెలాగంటే… ఈసినిమా ముందు మ‌హేష్ బాబు ద‌గ్గ‌ర‌కే వెళ్లింద‌ట‌. మ‌హేష్ – త్రివిక్ర‌మ్ ల‌ది సూప‌ర్ హిట్ కాంబినేష‌న్‌. అత‌డు, ఖ‌లేజాల‌తో ఆక‌ట్టుకొన్నారు. మ‌రో సారి క‌ల‌సి ఓ సినిమా చేద్దామ‌ని ఎప్ప‌టినుంచో అనుకొంటున్నారు. ఆ ద‌శ‌లో త్రివిక్ర‌మ్ అ.ఆ క‌థ మ‌హేష్‌కి వినిపించిన‌ట్టు స‌మాచారం. అయితే.. ప్ర‌స్తుతం ఉన్న క‌థ‌లో కాస్త ల‌వ్‌, ఇంకాస్త హీరోయిజం యాడ్ చేశాడ‌ట‌.

అయితే మ‌హేష్ మాత్రం ఈ క‌థ‌ని సున్నితంగా తిరస్క‌రించిన‌ట్టు తెలుస్తోంది. ”మ‌న‌దిద్ద‌రి కాంబినేష‌న్ అంటే జ‌నంలో చాలా అంచనాలు ఉంటాయి. ఆ అంచ‌నాల‌కు త‌గిన క‌థ దొరికిన‌ప్పుడు చేద్దాం” అని త‌ప్పుకొన్నాడ‌ట‌. ఆ త‌ర‌వాతే ఈసినిమాని నితిన్‌కి త‌గిన‌ట్టు మారింద‌ని చెబుతున్నారు. మొత్తానికి.. మ‌హేష్ చేయాల్సిన సినిమా నితిన్ వైపుకొచ్చింద‌న్న‌మాట‌. ఒక‌వేళ ఇదే క‌థ‌ని మ‌హేష్‌తో తీస్తే… వ‌ర్క‌వుట్ కాక‌పోయేది కూడానూ. ఎందుకంటే ఈ సినిమాలో నితిన్ పాత్ర‌కంటే స‌మంత డామినేష‌నే ఎక్కువ క‌నిపిస్తుంది. సో… మ‌హేష్ నిర్ణ‌యం క‌రెక్టేఅన్న‌మాట‌.