‘స్పైడ‌ర్’ ఆడియో వేడుక పుణ్యాన మ‌హేష్ బాబు ఇప్ప‌టి వ‌ర‌కూ మిస్ అయిన సినిమాల లిస్టు తెలిసింది. ఆ జాబితా కాస్త పెద్ద‌దే ఉంది. మ‌హేష్ కి తుపాకీ సినిమా అంటే చాలా ఇష్ట‌మ‌ట‌. ఆసినిమాని తెలుగులో రీమేక్ చేద్దామ‌నుకొన్నాడ‌ట‌. ఈ విష‌యం స్వ‌యంగా మ‌హేషే చెప్పాడు. మురుగ‌దాస్ మాత్రం త‌న సినిమాల్లో రెండింటిని మ‌హేష్‌తో చేద్దామ‌నుకొన్నాడ‌ట‌. తుపాకితో పాటు గ‌జిని సినిమాకీ మహేష్‌తో తెలుగులో రీమేక్ చేద్దామ‌నుని భావించాడ‌ట‌. అయితే ఆ రెండూ తెలుగులో డ‌బ్బింగ్ రూపంలోనే వ‌చ్చాయి. త‌మిళ ద‌ర్శ‌కుడు విజ‌య్ మ‌ద‌రాసు ప‌ట్ట‌ణం అనే సినిమా చేశాడు. ఆ క‌థ‌ని మ‌హేష్ ని దృష్టిలో ఉంచుకొనే రాసుకొన్నాడ‌ట‌. మంజుల‌కీ ఓ సంద‌ర్భంలో క‌థ వినిపించార‌ట‌. కానీ.. సినిమా తీయ‌డం కుద‌ర్లేదు. ఆఖరికి ఆర్య‌తో స‌రిపెట్టుకొన్నాడు. కానీ ఎప్ప‌టికైనా మ‌హేష్‌తో ఓ సినిమా చేసి తీర‌తార‌ని చెబుతున్నాడు విజ‌య్‌. మ‌రి మ‌హేష్‌బాబు అవ‌కాశం ఇస్తాడో లేదో చూడాలి.