చిత్రీకరణలో ఉంటే.. మురుగదాస్ అకిరా సినిమా షూట్ చేస్తూ ఉన్నాడు. ఇక మహేష్ బ్రహ్మోత్సవం ఏప్రిల్ రిలీజ్ అని అంటున్నారు. మురుగదాస్ సినిమా కూడా అదే ఏప్రిల్ లో ముహుర్తం పెట్టేస్తున్నారు. సినిమాను ఏప్రిల్ లో మొదలు పెట్టి ఈ సంవత్సరం అక్టోబర్ చివరన వస్తున్న దీపావళికి రిలీజ్ చేయాలని ఫిక్స్ చేశారు దర్శక నిర్మాతలు.
ఇంకా సినిమా షూటింగ్ కూడా మొదలవ్వని టైంలో సినిమా రిలీజ్ కూడా ఫిక్స్ చేయడం కాస్త ఆశ్చర్యంగా ఉన్నా సినిమా మీద తమకున్న నమ్మకంతో ఇలా చేస్తున్నారని అంటున్నారు. బ్రహ్మోత్సవం సినిమా కంప్లీట్ అవగానే కొద్దిపాటి విరామం తర్వాత మహేహ్ ఈ సినిమా కోసం పనిచేస్తాడట. భారీ బడ్జెట్ తో తెరకెక్కించబడుతున్న ఈ సినిమా సోషల్ మెసేజ్ కు సంబందించినదని తెలుస్తుంది. సినిమా ఎక్కువ భాగం ముంబైలోనే జరుగుతుందట.
తెలుగు, తమిళ, హింది భాషల్లో నిర్మించబడుతున్న ఈ సినిమాకు పారాస్ జైన్, ఠాగూర్ మధులు నిర్మాతలుగా వ్యవహరిస్తున్నారు. సినిమాకు సంబందించిన మిగతా కాస్ట్ అండ్ క్రూ త్వరలో ఫైనల్ చేయనున్నారు దర్శక నిర్మాతలు.
