ఈరోజుల్లో ఓ ద‌ర్శ‌కుడైనా, ఏ హీరోతో అయినా సినిమా చేయొచ్చు. ఒక్క హిట్టు చాలు. పెద్ద హీరోల దృష్టిలో ప‌డ‌డానికి. మ‌హేష్ బాబు – ప‌ర‌శురామ్ కాంబో సెట్ట‌వుతుంద‌ని ఎవ‌రైనా ఊహించారా? `గీత గోవిందం`తో ప‌ర‌శురామ్ త‌లుపుల‌న్నీ తెరిచేశాడు. యువ ద‌ర్శ‌కుల‌తో స్టార్లు సినిమాలు చేయ‌డానికి సిద్ధంగానే ఉన్నారు. ఒక్క పెద్ద హిట్టు ప‌డితే చాలు.

గోపీచంద్ మ‌లినేని చేతిలో హిట్లు ఉన్నాయి. కానీ పెద్ద క‌మ‌ర్షియ‌ల్ హిట్ `క్రాక్‌`తో ప‌డింది. అందులో ర‌వితేజ‌ని చూపించిన విధానం, యాక్ష‌న్ సీన్లు డీల్ చేసే ప‌ద్ధ‌తి అంద‌రికీ న‌చ్చాయి. ఆ వెంట‌నే బాల‌య్య‌కి క‌థ చెప్పి ఒప్పించాడు. ఈ చిత్రాన్ని మైత్రీ మూవీస్ నిర్మిస్తోంది. ఈ సినిమాకి సంబంధించి ఒక్క టీజ‌ర్ కూడా బ‌య‌ట‌కు రాలేదు. అఫీషియ‌ల్ బాల‌య్య లుక్ వ‌చ్చిందంతే! కానీ బ‌జ్ మాత్రం మామూలుగా లేదు. ఈ సినిమా చాలా బాగా వ‌స్తోంద‌ని, బాల‌య్యకు మ‌రో పెద్ద హిట్ ప‌డ‌డం ఖాయ‌మ‌ని చెబుతున్నారు. మైత్రీ కూడా ఈ సినిమాని గ‌ట్టిగా న‌మ్ముతోంది. బ‌డ్జెట్ విష‌యంలో గేట్లు ఎత్తేసింది. అంతే కాదు.. గోపీచంద్ కి మ‌రో పెద్ద ఆఫ‌ర్ ఇచ్చింద‌ట‌.`ఈ సినిమాతో హిట్టు కొట్టు… మ‌హేష్‌తో సినిమా చేసే ఛాన్స్ ఇస్తాం` అని ఊరిస్తున్నార్ట‌. మైత్రీ అడిగితే.. మ‌హేష్ డేట్లు ఇవ్వ‌డానికి రెడీ! జ‌స్ట్… మ‌హేష్ కి క‌థ న‌చ్చాలంతే. బాల‌య్య తో హిట్టు కొట్టి.. మైత్రీ మ‌న‌సుల్ని గెలిస్తే.. మ‌హేష్ తో సినిమా చేయ‌డానికి గోపీచంద్ కి ఛాన్స్ ద‌క్కిన‌ట్టే.