భ‌ర‌త్ అనే నేను విడుద‌ల‌కు అట్టే స‌మ‌యం లేదు. అయితే ప్ర‌మోష‌న్లు అనుకున్నంత జోరుగా సాగ‌డం లేదు. కొర‌టాల శివ ఒక్క‌డే మీడియా ముందుకొచ్చి మాట్లాడాడు. మ‌హేష్ ఇంట‌ర్వ్యూ ఇంత వ‌ర‌కూ ఇవ్వ‌లేదు. దానికి కార‌ణం ఉంద‌ట‌. `బ్ర‌హ్మోత్స‌వం`, `స్పైడ‌ర్‌` సినిమాల స‌మ‌యంలో ముంద‌స్తు ఇంట‌ర్వ్యూలు ఇచ్చాడు మ‌హేష్‌. స్పైడ‌ర్ స‌మ‌యంలో మ‌హేష్ మీడియాతో బాగా ట‌చ్‌లో ఉన్నాడు. ప్ర‌ధాన ప‌త్రిక‌లన్నింటికీ విడి విడిగా ఇంట‌ర్వ్యూలు ఇచ్చాడు. టీవీ ఛానళ్ల‌న్నింటితోనూ మాట్లాడాడు. అయితే ఇప్పుడు మాత్రం.. ఆ జాడ లేదు. సినిమా విడుద‌ల‌కు ముందు కాదు, విడుద‌లైన త‌ర‌వాత మాట్లాడ‌తా అంటున్నాడ‌ట‌. ముందు ఎక్కువ‌గా మాట్లాడితే సినిమాపై హైప్ పెరిగిపోతోంద‌ని, త‌న అంచ‌నాలు త‌ల‌కిందులు అవుతున్నాయ‌ని మ‌హేష్ భావిస్తున్నాడ‌ట‌. ఇది వ‌ర‌కు కూడా త‌ను సినిమా విడుద‌లైన త‌ర‌వాతే మాట్లాడేవాడు. ఇప్పుడు పాత ప‌ద్ధ‌తే ఫాలో అవ్వాల‌ని డిసైడ్ అయ్యాడ‌ట‌. ప్ర‌స్తుతం మ‌హేష్ ఇండియాలో లేడు. మంగ‌ళ వారం లేదంటే బుధ‌వారం ఇండియా తిరిగొస్తాడు. ఇక్క‌డ‌కు వ‌చ్చాక ఓ ప్రెస్ మీట్ పెట్టాల‌ని చిత్ర‌బృందం ప్లాన్ చేస్తోంది. సినిమా రిలీజ్ అయ్యాకే మ‌హేష్ సోలో ఇంట‌ర్వ్యూలు ఇవ్వాల‌ని ఫిక్స‌య్యాడ‌ట‌. ఇదంతా భ‌ర‌త్ పై హైప్ పెర‌గ‌కుండా ఉండ‌డంలో భాగ‌మే.