ఈరోజు కృష్ణ జ‌న్మ‌దినం. ఈ సంద‌ర్భంగా మ‌హేష్ కొత్త సినిమాల‌కు సంబంధించిన అప్ డేట్లేం రాలేదు. అయితే… త‌న తండ్రి జ‌న్మ‌దినాన్ని పుర‌స్క‌రించుకుని ఓ మంచి ప‌ని చేశాడు మ‌హేష్‌. కృష్ణ స్వ‌గ్రామం బుర్రిపాలెం వాసుల‌కు, ఫ్రీ వాక్సిన్ వేయించాడు. ఈ కార్య‌క్ర‌మం లో భాగంగా వంద‌లాది గ్రామ‌స్థులు వాక్సిన్ వేయించుకున్నారు. ఈ క్యాంపైన్‌లో ఆంధ్రా హాస్పిట‌ల్స్ కూడా భాగం పంచుకుంది. మ‌హేష్ ముందు నుంచీ ఛారిటీల‌పై ఆస‌క్తి క‌ర‌బ‌రుస్తూనే ఉన్నాడు. వేయి మంది ప‌సి పిల్ల‌ల‌కు హార్ట్ ఆప‌రేష‌న్ చేయించాడు. రెండు గ్రామాల‌ను ద‌త్త‌త తీసుకుని వాటి బాబోగులు చూస్తూ.. నిజంగానే శ్రీ‌మంతుడు అనిపించుకుంటున్నాడు. ఇప్పుడు వాక్సిన్ ప్ర‌క్రియ‌కు శ్రీ‌కారం చుట్టారు. మ‌హేష్ లాంటి వాళ్లు… ఇలా క్యాంపైనింగ్ నిర్వ‌హిస్తూ, వాక్సిన్ విష‌యంలో శ్ర‌ద్ధ తీసుకుంటే – ప్ర‌భుత్వాల‌పై ఒత్తిడి త‌గ్గుతుంది. ఈ విషయంలో సెల‌బ్రెటీలు ముందుకు రావాల్సివుంది.