మురుగ‌దాస్ మ‌హేష్ ఫ్యాన్స్‌ని హ‌ర్ట్ చేస్తూనే ఉన్నాడు. టైటిల్ ఏంటో చెప్ప‌కుండా నెల‌ల పాటు నాచ్చాడు మ‌రుగ‌. ఫ‌స్ట్ లుక్ విష‌యంలోనూ అంతే. ఇదిగో అదిగో అంటూ ఊరిస్తూ ఊరిస్తూ ఎప్ప‌టికో విడుద‌ల చేశాడు. ‘స్పైడ‌ర్‌’ ఫ‌స్ట్ లుక్‌కి నామ‌మాత్ర‌పు మార్కులే ప‌డ్డాయి. ఇప్పుడు అంద‌రి దృష్టీ టీజ‌ర్‌పై ప‌డింది. మే 31న కృష్ణ పుట్టిన రోజు సంద‌ర్భంగా టీజ‌ర్ విడుద‌ల చేస్తార‌ని భావిస్తున్నారంతా. స్పైడ‌ర్ టీమ్ కూడా అలానే అనుకొంది. కానీ.. మే 31న టీజ‌ర్ వచ్చే అవ‌కాశాలు లేవ‌ని తెలుస్తోంది. అందుకోసం మురుగదాస్ వేరే డేట్ ఫిక్స్ చేశాడ‌ట‌. సినిమా విడుద‌ల‌కూ, టీజ‌ర్‌కీ మ‌ధ్య మ‌రీ ఎక్కువ గ్యాప్ వస్తోంద‌ని, అంత గ్యాప్ మంచిది కాద‌ని, ముందే టీజ‌ర్‌ని విడుద‌ల చేయ‌డం అన‌వ‌స‌ర‌మ‌ని ఇప్పుడు మురుగ‌దాస్ వాదిస్తున్నాడ‌ట‌. దాంతో మే 31న టీజ‌ర్ రావ‌డం అనుమానంగానే మారింది. ఫ‌స్ట్ లుక్ కోస‌మే మురుగదాస్ అంతా న‌న్చాడంటే.. టీజ‌ర్‌ని అంత తేలిగ్గా వ‌ద‌ల‌డు. దీని కోసం ఎన్నాళ్లుగా వెయిట్ చేయిస్తాడో???