మ‌హేశ్‌బాబు సిస్ట‌ర్ మంజుల డైరెక్ట్ చేసిన సినిమా ‘మ‌న‌సుకు న‌చ్చింది’. సిస్టర్ కోసం ఇందులో ప్రకృతికి మహేశ్ వాయిస్ ఓవ‌ర్ ఇచ్చాడు. “అందమైన ప్రేమకథతో తెరకెక్కిన ఈ సినిమాలో ప్రకృతి కీలక పాత్ర పోషిస్తుంది. అసలు ఈ కథకు ప్రకృతే హీరో. మహేశ్ తెరపై కనిపించకపోయినా సినిమా అంతా ఉన్నట్టే ఉంటుంది” అని మంజుల ఘట్టమనేని చెప్పారు. దర్శకుడురాలిగా ‘మనసుకు నచ్చింది’ ఆమెకు తొలి సినిమా. దర్శకత్వం గురించి మీ నాన్నగారు కృష్ణ, బ్రదర్ మ‌హేశ్‌బాబులకు చెప్పగా ఏమన్నారు? అని అడగ్గా.. “నాన్నగారు థ్రిల్ అయ్యారు. నేను కాకుండా బయట నిర్మాత సినిమా తీయడానికి ముందుకొచ్చారని తెలిసి ఇంకా హ్యాపీ ఫీలయ్యారు. మహేశ్ షాక్ అయ్యాడు. ‘నీకు పిచ్చా? దర్శకత్వం అంత ఈజీ కాదు’ అన్నాడు. నా ఆలోచనలు చెప్పగా కన్వీన్స్ అయ్యాడు. ట్రైలర్ చూసి బాగుందని మెచ్చుకున్నాడు” అని మంజుల తెలిపారు. మహేశ్ సినిమాకి వాయిస్ ఓవర్ ఇచ్చిన పూర్తిగా చూడలేదని అన్నారామె. మ‌హేశ్‌తో పాటు కృష్ణ, కుటుంబ సభ్యులు కూడా ఫ‌స్ట్‌డే ఫ‌స్ట్‌షో చూస్తామన్నారని మంజుల సంబర పడుతున్నారు. సందీప్ కిషన్, అమైరా దస్తూర్, త్రిధా చౌదరి నటించిన ఈ సినిమా ఈ శుక్రవారం విడుదలవుతోంది.