మాన్లీ హీరో సూర్య ప్రస్తుతం చేస్తున్న సినిమా 24.. ఫస్ట్ లుక్ పోస్టర్స్ తో అదరగొడుతున్న సూర్య చూస్తుంటే సినిమాతో భారీ విజయాన్నే అందుకునేలా ఉన్నాడు. ఇష్క్, మనం లాంటి బ్యూటిఫుల్ హిట్ సినిమాలను ప్రేక్షకులకు అందించిన విక్రం కుమార్ ఈ సినిమాను డైరెక్ట్ చేయడం విశేషం. కాలంతో పాటుగా మారే కథనాలతో సైన్స్ ఫిక్షన్ గా ఈ సినిమా రాబోతుందట. సినిమాలో మూడు విభిన్న పాత్రల్లో సూర్య నటిస్తున్నాడని తెలిసింది.

రిలీజ్ చేసిన ఫస్ట్ లుక్ పోస్టర్స్ లో లుక్ అదిరిపోతుంది. అయితే ఈ సినిమా ముందు సూపర్ స్టార్ మహేష్ కి వినిపించాడట డైరక్టర్ విక్రం కుమార్. మహేష్ కూడా మొదటి సగం నచ్చాడట కాని రెండో భాగం కాస్త మార్చమన్నాడట. మహేష్ కాదన్నాడని విక్రం సూర్యకి కథ చెప్పగానే అతను ఓకే చేయడమే కాక తన బ్యానర్లోనే ఈ సినిమా నిర్మిస్తున్నాడు.

ప్రస్తుతం షూటింగ్ జరుపుకుంటున్న ఈ సినిమా సమ్మర్ రిలీజ్ కు రెడీ అవుతుంది. సమంత, నిత్యామీనన్ హీరోయిన్స్ గా నటిస్తున్న ఈ సినిమాకు ఏ.ఆర్.రెహమాన్ సంగీతాన్ని అందిస్తున్నాడు. సినిమా సూపర్ హిట్ అయితే మహేష్ మంచి సినిమాని మిస్ చేసుకున్నట్టే. ఎన్నో అంచానాలతో..భారీ బడ్జెట్ తో తెరకెక్కుతున్న 24 సినిమా ఎలాంటి హిట్ కొడుతుందో తెలుకోవాలంటే రిలీజ్ అయ్యే దాకా వెయిట్ చేయాల్సిందే..