స్టార్ హీరోలు ఈ మధ్య తమ పంథా మార్చుకున్నారు. ఓ హీరో సినిమా వచ్చిందంటే దాని గురించి పొగడటం పనిగా పెట్టుకున్నారు. ప్రస్తుతం ఆ దారిలో ముందున్నాడు మెగా పవర్ స్టార్ రాం చరణ్. శ్రీమంతుడు సినిమా టైంలో సినిమా చూసి మహేష్ కు ఫోన్ చేసి సినిమా గురించి తన అభిప్రాయాన్ని పంచుకున్న చరణ్. తాజాగా నాన్నకు ప్రేమతోతో సూపర్ సక్సెస్ అందుకున్న సందర్భంగా తారక్ కు ఫోన్ చేసి కూడా తన అభినందనలు తెలిపాడట. అంతేకాదు సినిమాలో ఎన్.టి.ఆర్ నటనకు తాను ఎంతగానో ఇంప్రెస్ అయ్యాడని తెలుస్తుంది.

సినిమాకు సంగీతం కూడా బాగా కుదిరిందని.. ముఖ్యంగా పతాక సన్నివేశాల్లో తారక్ నటన, సాంగ్ తనను బాగా ఆకట్టుకున్నాయని అన్నాడట. ఇక సినిమా చూసిన మహేష్ కూడా తన విశెష్ ని తారక్ కు అందించాడని అంటున్నారు. సినిమా దర్శకుడు సుకుమార్ కు కూడా ఫోన్ చేసి అభినందనలు తెలిపినట్టు సమాచారం. టెంపర్ తర్వాత వచ్చిన ఎన్.టి.ఆర్ నాన్నకు ప్రేమతో మొదట కాస్త డివైడ్ టాక్ తెచ్చుకున్నా ఓవరాల్ గా సినిమా సూపర్ సక్సెస్ సాధించింది.

ఓవర్సీస్ లో ఈ సినిమా ఇప్పటికే 2 మిలియన్ డాలర్స్ కలక్షన్స్ సాధించి భారీ విజయాన్ని నమోదు చేసుకుంది. తాము ఎంత స్టార్ స్టేటస్ లో ఉన్నా సాటి హీరోలకు ఎటువంటి ఈగోలకు పోకుండా సిన్సియర్ గా సినిమా గురించి ఫోన్ చేసి మాట్లాడటం మంచి విషయమే అంటున్నారు సిని విశ్లేషకులు.