బ్ర‌హ్మోత్స‌వం ఫ్లాప్ నుంచి తేరుకోవ‌డానికి విహార యాత్ర‌ల్లో మునిగి తేలుతున్నాడు మ‌హేష్ బాబు. మురుగ‌దాస్‌సినిమా ఇప్ప‌టికే స్టార్ట్అవ్వాల్సింది. కానీ మ‌హేష్ సెల‌వుల్లో ఉండ‌డంతో – జులై 15న ఈ సినిమా షూటింగ్ ప్రారంభిస్తార‌ని చెప్పారు. అయితే జులై 15న కూడా ఈ సినిమా షూటింగ్ మొద‌ల‌య్యే అవ‌కాశాల్లేవ‌ట‌. క‌నీసం మ‌రో ప‌దిహేను రోజులైనా వాయిదా వేయ‌డం ఖాయ‌మ‌న్న‌ది లేటెస్ట్ న్యూస్‌. జులై 15న లాంఛ‌నంగా షూటింగ్ స్టార్ట్ చేసి, మ‌రుస‌టి రోజు నుంచి రెగ్య‌లర్ షూటింగ్‌లోకి వెళ్లిపోవాల‌న్న‌ది మురుగ‌దాస్ ప్లాన్‌. అందుకోసం హైద‌రాబాద్ లో భారీ సెట్‌ని కూడా వేస్తున్నారు. అయితే.. మ‌హేష్ మ‌రింత టైమ్ కావాల‌ని కోరాడ‌ట‌. దాంతో.. జులైలో మొద‌ల‌వ్వాల్సిన సినిమా. ఆగ‌స్టు నాటికి వాయిదా ప‌డింద‌ని చెబుతున్నారు.

సెట్ ప‌రంగా కొన్ని కొన్ని టెక్నిక‌ల్ ఇష్యూస్ ఎదుర‌వ్వ‌డంతో ఈ సినిమా లేట్ అవుతోంద‌ని ఫిల్మ్‌న‌గ‌ర్ వ‌ర్గాలు చెబుతున్నాయి. 2017 ఏప్రిల్‌లో ఈ సినిమాని విడుద‌ల చేయాల‌ని నిర్మాత‌లు భావిస్తున్నారు. మురుగ‌దాస్ అస‌లే లేట్‌. ప్ర‌తీ స‌న్నివేశాన్నీ చెక్కుతూ కూర్చుంటాడు. మ‌హేష్ ముందే షూటింగ్‌కి డుమ్మా.. అంటే, ముందుగా అనుకొన్న టైమ్‌లో ఈ సినిమా వ‌స్తుందా, లేదా? అని అభిమానులు కంగారు ప‌డుతున్నారు. మ‌హేష్ .. కాస్త స్పీడు పెంచ‌వ‌మ్మా…!