సూపర్ స్టార్ మహేష్ నటిస్తున్న బ్రహ్మోత్సవం మే 6న రిలీజ్ అయ్యేందుకు సిద్ధమవుతుంది.. ఈ నెల 24న ఆడియోను తిరుపతిలో గ్రాండ్ గా రిలీజ్ చేసేందుకు సన్నాహాలు చేస్తున్నారు. మహేష్ మార్క్ స్టైలిష్ యాక్షన్ తో పాటుగా కుటుంబ కథా చిత్రంగా రాబోతున్న బ్రహ్మోత్సవం మీద ఇప్పటికే భారీ అంచనాలు ఉన్నాయి. ఇక ఈ సినిమా తర్వాత మహేష్ నటించే మురుగదాస్ సినిమా కూడా ముహుర్తం ఫిక్స్ చేసినట్టు తెలుస్తుంది.
మే 31న సూపర్ స్టార్ కృష్ణ పుట్టినరోజు సందర్భంగా మహేష్, మురుగదాస్ సినిమా మొదలవుతుందని సమాచారం. దాదాపు వంద కోట్ల బడ్జెట్ తో తెరకెక్కించబోయే ఈ సినిమా తెలుగు, తమిళ, హింది భాషల్లో కూడా రిలీజ్ చేసే ఆలోచనల్లో ఉన్నారు దర్శక నిర్మాతలు. తన ప్రతి సినిమాలో ఏదో ఒక సమాజ పోరాట అంశాన్ని ఎన్నుకునే మురుగదాస్ ఈ సినిమాలో న్యాయ వ్యవస్థలోని లొసుగుల నేపథ్యంతో సినిమా తీస్తున్నారట. ఇప్పటికే సినిమాకు సంబందించిన ప్రి ప్రొడక్షన్ వర్క్ కంప్లీట్ చేసుకున్నట్టు తెలుస్తుంది.
ఠాగూర్ మధు, పారాస్ జైన్ నిర్మాతలుగా వ్యవహరిస్తున్న ఈ సినిమాలో హీరోయిన్ గా ఎవరెవరు సెలెక్ట్ అయ్యారు అన్నది త్వరలో తెలిసే అవకాశం ఉంది. సో సూపర్ స్టార్ కృష్ణ పుట్టినరోజు నాడు కృష్ణ, మహేష్ అభిమానులకు రెండు పండుగలన్నమాట.
