ఇస్మార్ట్ శంక‌ర్ ప్ర‌మోష‌న్ల సంద‌ర్భంలో పూరి జ‌గ‌న్నాథ్ మ‌హేష్‌పై కొన్ని ఆస‌క్తిక‌ర‌మైన కామెంట్లు చేశాడు. హిట్టున్న ద‌ర్శ‌కుల‌తోనే మ‌హేష్ ప‌నిచేస్తాడ‌ని, ఈసారి మ‌హేష్ పిలిచినా – త‌ను త‌న‌తో సినిమా చేయ‌న‌ని తెగేసి చెప్పాడు. ఓ విధంగా మ‌హేష్‌ని ఒకింత ఇబ్బందికి గురి చేసే కామెంట్లే ఇవి. పూరి కామెంట్ల‌పై మ‌హేష్ త‌ప్ప‌కుండా స్పందిస్తాడ‌ని, పూరికి గ‌ట్టి కౌంట‌రే ఇస్తాడ‌ని మ‌హేష్ ఫ్యాన్స్ భావించారు. అయితే మ‌హేష్‌కి ఆ అవ‌కాశం ఇప్ప‌టి వ‌ర‌కూ రాలేదు. అయితే ఈలోగానే మ‌హేష్‌, పూరి క‌లసిపోయార‌ని, ఇద్ద‌రూ మాట్లాడేసుకున్నార‌ని టాలీవుడ్ స‌మాచారం.

ఇస్మార్ట్ శంక‌ర్ చూసిన మ‌హేష్‌… పూరిని క‌బురంపాడ‌ని, ఈ సినిమా గురించి ఇద్ద‌రూ మాట్లాడుకున్నార‌ని.. మాట‌ల మ‌ధ్య‌లో పూరి చేసిన కామెంట్ల ప్ర‌స్తావ‌న ఎక్క‌డా రాలేద‌ని, దీన్ని బ‌ట్టి చూస్తే ఈ వ్య‌వ‌హారం మొత్తాన్ని మ‌హేష్ లైట్ తీసుకున్నాడ‌ని అర్థ‌మ‌వుతోంది. చిత్ర‌సీమ‌లో ఈక్వేష‌న్లు ఎప్పుడైనా, ఎలాగైనా మారొచ్చు. ఇప్పుడు ఓ మాట అనేసుకున్నార‌ని గ్యాప్ పెర‌గ‌డం జ‌ర‌గ‌దు. క‌లిసున్నంత మాత్రాన.. ఇద్ద‌రి మ‌ధ్యా దూరం పెర‌గ‌ద‌నీ చెప్ప‌లేం. మ‌హేష్‌కి హిట్టు విలువ తెలుసు. పోకిరి త‌న కెరీర్‌కి ఎంత ప్ల‌స్స‌య్యిందో కూడా తెలుసు. పూరితో చిన్న‌పాటి గ్యాప్ వ‌చ్చిన మాట వాస్త‌వ‌మే. అయితే.. దాన్ని తానే ఇలా క్లియ‌ర్ చేసుకోవ‌డం మాత్రం మంచి స్టెప్పే.