క‌మ‌ర్షియ‌ల్ సినిమాల్ని తీయ‌డంలో త‌న‌కంటూ ఓ పంథా సృష్టించుకొన్నాడు వంశీపైడిప‌ల్లి. మున్నా, బృందావ‌నం, ఎవ‌డు, ఊపిరి.. ఇలా త‌న కెరీర్ రికార్డ్ బాగానే ఉంది. అఖిల్‌తో ఓ సినిమా చేద్దామ‌ని కొన్ని నెల‌లుగా త‌న‌తో ట్రావెల్ చేస్తున్నాడు. ఈ ప్రాజెక్టు ఇప్పుడు తుస్సుమంది. ఆ నిరుత్సాహంలో ఉన్న వంశీకి ఊహించ‌ని ఓ బంప‌ర్ ఆఫ‌ర్ త‌గిలిన‌ట్టు టాక్‌. మ‌హేష్ బాబుతో ఓ సినిమా చేయాల‌ని వంశీ ఎప్ప‌టి నుంచో అనుకొంటున్నాడు. ఆ ప్రాజెక్టు ఇప్పుడు ఓకే అయిపోయింద‌ట‌. వంశీ చెప్పిన లైన్ మ‌హేష్‌కి బాగా న‌చ్చింద‌ని, దాన్ని డెవ‌లెప్ చేయ‌మ‌ని మ‌హేష్ గ్రీన్ సిగ్న‌ల్ ఇచ్చేశాడ‌ని టాక్‌. అయితే మ‌హేష్ ప్ర‌స్తుతం మురుగ‌దాస్ సినిమాతో బిజీగా ఉన్నాడు.

ఆ సినిమా పూర్త‌య్యేట‌ప్ప‌టికి యేడాది ప‌ట్టొచ్చు. ఆ త‌ర‌వాత కూడా మ‌హేష్ తో సినిమాలు చేయ‌డానికి చాలామంది ద‌ర్శ‌కులు క్యూలో ఉన్నారు. వంశీ వంతు వ‌చ్చే స‌రికి క‌నీసం మూడేళ్ల‌యినా ప‌డుతుంది. అయితే వంశీ మాత్రం ”మ‌హేష్ తో ఓ సినిమా చేయ‌డం ఖాయం. ఆ ఆనందంతో మూడేళ్ల‌యినా ఎదురుచూస్తా” అంటున్నాడు. సో.. ఇండ్ర‌స్ట్రీలో మ‌రో కొత్త కాంబినేష‌న్ సెట్ట‌యిపోయింద‌న్న‌మాట‌. ముహూర్తం ఎప్పుడ‌న్న‌ది మ‌హేష్ నిర్ణ‌యించాలి. ఈలోగా ఓ స్టార్ హీరో కోసం వంశీపైడిప‌ల్లి ఓ క‌థ సిద్దం చేయ‌డం, వినిపించ‌డం కూడా జ‌రిగిపోయాయి. ఆ హీరో గ్రీన్ సిగ్న‌ల్ ఇస్తే.. త్వ‌ర‌లోనే వంశీ సినిమా ప‌ట్టాలెక్కేయ‌డం ఖాయం.