ఏ సినిమాకైనా ర‌న్ టైమ్ చాలా కీల‌కం. సినిమా బాగున్నా…. నిడివి పెరిగితే `బాబోయ్‌` అంటున్నారు. అందుకే ఈ విష‌యంలో ద‌ర్శ‌క నిర్మాత‌లు చాలా జాగ్ర‌త్త‌గా ఉంటున్నారు. సీన్లు ఎంత బాగున్నా – నిడివిని దృష్టిలో ఉంచుకొని క‌త్తెర్లు వేసుకొంటున్నారు. థ్రిల్ల‌ర్ చిత్రాలకు ర‌న్ టైమ్ మ‌రింత కీల‌కంగా మారుతోంది. ఈ క‌థ‌లు ఎంత షార్ప్ గా చెబితే అంత ఎక్కుతాయి. అందుకే `హిట్ 2` ర‌న్ టైమ్ విష‌యంలోనూ చిత్ర‌బృందం చాలా కేర్ తీసుకొంది. ఈ సినిమా ర‌న్ టైమ్ కేవ‌లం 2 గంట‌లు మాత్ర‌మే. అడ‌విశేష్ క‌థానాయ‌కుడిగా, నాని నిర్మాణంలో తెర‌కెక్కిన సినిమా ఇది. సెన్సార్ కూడా పూర్తయ్యింది. సెన్సార్ బోర్డు ఈ చిత్రానికి `ఏ` స‌ర్టిఫికెట్ అందించింది.

ఫ‌స్టాఫ్ అంతా చాలా ఆస‌క్తిక‌రంగా సాగింద‌ని, సెకండాఫ్‌లో ట్విస్ట్ అంద‌రినీ ఆశ్చ‌ర్య‌ప‌రుస్తుంద‌న్న‌ది సెన్సార్ రిపోర్ట్. హిట్ 1లో విశ్వ‌క్ సేన్ న‌టించాడు. హిట్ 2లో అడ‌విశేష్ క‌నిపించాడు. హిట్ 3లో హీరో మార‌బోతున్నాడు. ఆ హీరోని… హిట్ 2 క్లైమాక్స్ లో రివీల్ చేయ‌బోతున్నారు. ఇది కూడా ఇంట్ర‌స్టింగ్ ఎలిమెంటే. శైలేష్ కొల‌ను దర్శ‌క‌త్వం వ‌హించిన ఈ చిత్రాన్ని డిసెంబ‌రు 2న విడుద‌ల చేస్తున్నారు.