నంద‌మూరి బాల‌కృష్ణ – కె.ఎస్‌.ర‌వికుమార్ కాంబోలో ఓ చిత్రం రూపుదిద్దుకొంటున్న సంగ‌తి తెలిసిందే. న‌య‌న‌తార క‌థానాయిక‌గా న‌టిస్తున్న ఈ చిత్రానికి సి.క‌ల్యాణ్ నిర్మాత. ఈ చిత్రంలో మ‌రో ఇద్ద‌రు హీరోయిన్ల‌కు ఛాన్సుంది. అందులో ఓ క‌థానాయికని ఎంపిక చేసింది చిత్ర‌బృందం. మ‌ల‌యాళీ ముద్దు గుమ్మ న‌టాషా దోషిని బాల‌య్య ప‌క్క‌న జోడీగా ఎంచుకొన్నారు. టీన్స్‌, మంత్రిక‌న్‌, కాల్‌మీ… త‌దిత‌ర మ‌ల‌యాళ చిత్రాల్లో న‌టించిన న‌టాషా.. ముంబైలో డిగ్రీ పూర్తి చేసింది. ఆమె న‌టించిన హీరోయిన్ విడుద‌లకు సిద్దంగా ఉంది. బాల‌య్య‌ సినిమాలో న‌టాషా ఓ మోడ్ర‌న్ అమ్మాయి పాత్ర‌లో క‌నిపించ‌నున్న‌ట్టు స‌మాచారం. మ‌రో క‌థానాయిక‌గా ఎవ‌రిని ఎంచుకొంటారో చూడాలి. పైసా వ‌సూల్ ప‌నులు ముగిసిన వెంట‌నే ఈ సినిమాపై దృష్టి పెట్టాడు బాల‌య్య‌. 2018 సంక్రాంతికి ఈ చిత్రాన్ని విడుద‌ల చేస్తారు.