మంచు విష్ణు ఇప్పుడు రెండు సినిమాలతో బిజీగ వున్నాడు. జి.నాగేశ్వరెడ్డి – విష్ణు కలయికలో ఓ సినిమా వస్తుంది. టైటిల్ `ఆచారి అమెరికా యాత్ర` . కృష్ణమాచారి తప్పులు-అప్పలాచారి తిప్పలు అనే ఫన్నీ క్యాప్షన్ కూడా వుంది.
మరో సినిమా తెలుగు తమిళ్ లో ఒకే సారి తెరకెక్కుతోంది. జిఎస్ కార్తీక్ దర్శకత్వంలో తెరకెక్కుతున్న ఈ చిత్రానికి వెరైటీ టైటిల్ పెట్టారు. ఈ రోజు విష్ణు పుట్టినరోజును పురస్కరించుకుని ఈ సినిమా ఫస్ట్‌లుక్‌ను విడుదల చేశారు. ఈ ఫస్ట్ లుక్ చాలా ఆసక్తికరంగా వుంది. ఇందులో చాలా దేశ, రాష్ట్ర రాజకీయ నాయకుల వున్నారు అయితే చంద్రబాబు, కేసిఆర్, వైఎస్ ఆర్, చిరంజీవి, బాలకృష్ణ, కవిత.. ఇలా కొంత మంది ఫోకస్ లో కనిపించారు. వీరి మధ్య మధ్యలో విష్ణు కోపంగా వేలెత్తి చూపుతున్న స్టిల్ ఇంట్రస్టింగ్ గా వుంది.
అన్నట్టు ఈ సినిమాలో విష్ణు ఓ ఎన్ ఆర్ ఐ అట. ఎన్నిక‌ల స‌మ‌యంలో అమెరికా నుంచి ప‌నిగ‌ట్టుకొని ఇండియా వచ్చిన త‌న సొంత ఊర్లో ఓటు హ‌క్కు వినియోగించుకొని వెళ్తాడు. తీరా అమెరికా వెళ్లాక.. సొంత నియోజ‌క వ‌ర్గంలో ఎమ్మెల్యే ప‌నులేం చేయ‌డం లేద‌ని తెసుకొని మళ్ళీ ఇండియా వచ్చిన ఎమ్మెల్యేకి బుద్ధి చెబుతాడట. ఈ క్రమంలో రాజకీయ వ్యవస్థపై చాలా డైలాగులు వుంటాయని టాక్.
