మంచు హీరోల గురించి వార్త‌లొచ్చి చాలా కాల‌మైంది. మ‌నోజ్ అయితే అస‌లు ప‌త్తా లేకుండా పోయాడు. మ‌నోజ్‌కి సినిమాల‌పై ఆస‌క్తి త‌గ్గింద‌ని, అందుకే.. సినిమాల‌కు దూరంగా ఉంటున్నాడ‌ని టాక్స్ వినిపించాయి. విష్ణు విష‌యంలోనూ ఇదే మాట్లాడుకున్నారు. అయితే.. విష్ణు ఓ సినిమా మొద‌లెట్టాడు. ఇప్పుడు మ‌నోజ్ కూడా లైన్‌లోకి వ‌చ్చేస్తున్నాడు. మ‌నోజ్ క‌థానాయ‌కుడిగా త్వ‌ర‌లోనే ఓ సినిమా ప‌ట్టాలెక్క‌బోతోంది. ప్రీ ప్రొడ‌క్ష‌న్ వ‌ర్క్ దాదాపుగా పూర్త‌యిన‌ట్టే. ఈ సినిమా కోసం మ‌నోజ్‌బ‌రువు త‌గ్గాడు.కొత్త లుక్‌లోకి మారాడు. అందుకు సంబంధించిన లుక్ కూడా బ‌య‌ట‌కు వ‌చ్చింది. కొత్త ద‌ర్శ‌కుల‌తో ప‌నిచేయ‌డం మ‌నోజ్‌కి ఇష్టం. ఈసారీ.. ఓ కొత్త ద‌ర్శ‌కుడికి మ‌నోజ్ అవ‌కాశం ఇచ్చిన‌ట్టు తెలుస్తోంది. ఎలాంటి హ‌డావుడీ లేకుండా షూటింగ్ మొద‌లెట్టి, లో ప్రొఫైల్‌లో ఈ సినిమాని విడుద‌ల చేయాల‌ని భావిస్తున్నారు. మొత్తానికి మంచు ఫ్యామిలీ మెల్ల‌మెల్ల‌గా మ‌ళ్లీ సినిమాల‌కు ట‌చ్‌లోకి వ‌స్తోంది. మ‌రి రిజ‌ల్ట్స్ ఎలా ఉంటాయో చూడాలి.