డిఫరెంట్ సినిమాలకు కేర్ ఆఫ్ అడ్రెస్ గా మారిన మంచు మనోజ్ కాస్త తన పంథా మార్చుకుని కమర్షియల్ సినిమాల వైపు అడుగులేస్తున్నట్టు ప్రస్తుత పరిస్థితులు వ్యక్తం చేస్తున్నాయి. దీనికి మంచి ఉదాహరణ మనోజ్ శౌర్య సినిమాలో నటించడమే.. ఎప్పుడు విలక్షణతతో కూడిన ప్రయోగాలను చేసే ఈ మంచు వారబ్బాయి శౌర్య లాంటి క్లాస్ సినిమా చేయడం ఎవరు ఊహించి ఉండరు.. అయితే సినిమా క్లాస్ అయినా తనకి కావాల్సిన యాక్షన్ అంశాలు దానిలో కూడా ఉండేలా చూసుకున్నాడు మనోజ్.
ప్రస్తుతం తను తీస్తున్న సినిమా రిలీజ్ అవుతుండగా తన తర్వాత సినిమా కన్ఫాం చేశాడు. టాలీవుడ్ యాక్షన్ స్టార్ గా అభిమానులను సంపాధించిన మనోజ్ ఇప్పుడు ఆ యాక్షన్ టైటిల్ ర్యాంబోగానే రాబోతున్నాడు. అవును మనోజ్ తర్వాత సినిమా టైటిల్ ‘ర్యాంబో’. కొత్తవారికి అవకాశం ఇవ్వడంలో ముందుండే మనోజ్ ఈ సినిమాతో కూడా సాగర్ పలసాల అనే నూతన దర్శకుడిని పరిచయం చేస్తున్నాడు.
రమేష్ పుప్పాల నిర్మిస్తున్న ఈ సినిమా త్వరలో మొదలవనుంది. కరెంట్ తీగ తర్వాత పెళ్లి హడావిడిలో గ్యాప్ తీసుకున్న మంచు మనోజ్ ఇకనుండి స్పీడ్ మీద సినిమాలను తీయనున్నాడు. ప్రస్తుతం తను నటించిన శౌర్య సినిమా మార్చ్ 4న రిలీజ్ కు సిద్ధమయ్యింది.
