అజ‌య్ భూప‌తి నుంచి వ‌స్తున్న మ‌రో సినిమా `మ‌హా స‌ముద్రం`. శ‌ర్వానంద్‌, సిద్దార్థ్.. క‌థానాయ‌కులుగా న‌టిస్తున్నారు. అతిథిరావు హైద‌రి, అనుఇమ్మానియేల్ క‌థానాయిక‌లు. ఇటీవ‌లే చిత్రీక‌ర‌ణ మొద‌లైంది. ఈసినిమాలో మ‌రో క‌థానాయిక కూడా ఉంటుంది. అయితే అది ఐటెమ్ సాంగ్ కోసం. ఈ పాట కోసం మ‌న్నారా చోప్రాని ఎంచుకున్న‌ట్టు తెలుస్తోంది. మ‌హా – అనే అమ్మాయి చుట్టూ తిరిగే క‌థ ఇది. విశాఖ నేప‌థ్యంలో సాగుతుంది. అందుకే `మ‌హా స‌ముద్రం` అనే టైటిల్ ఫిక్స్ చేశారు. ఇది ప్రేమ క‌థే అయినా.. యాక్ష‌న్ ని గ‌ట్టిగా మేళ‌వించిన‌ట్టు తెలుస్తోంది. అంతేకాదు.. మాఫియా బ్యాక్ డ్రాపూ ఉంటుంద‌ట‌. దీపావ‌ళికి విడుద‌ల చేసిన థీమ్ పోస్ట‌ర్‌కి మంచి స్పంద‌న వ‌చ్చింది. క‌థ‌ని ఆ పోస్ట‌ర్ లో రిఫ్లెక్ట్ చేసే ప్ర‌య‌త్నం చేశాడు ద‌ర్శ‌కుడు.