నారా చంద్రబాబు నాయుడు గారి చేతుల మీదగా 2 కోట్ల రూపాయల చెక్కుని అందచేసిన మన్నవ మోహనకృష్ణ
ఎన్టీఆర్ ట్రస్ట్ అనుబంధ విభాగమైన అమెరికా ఎన్టీఆర్ ఫౌండేషన్ కి నాట్స్ మాజీ అధ్యక్షుడు(USA), టీడీపీ రాష్ట్ర కార్యనిర్వాహక కార్యదర్శి మన్నవ మోహన కృష్ణ గారు 2 కోట్ల రూపాయలను చెక్కును విరాళంగా తెలుగుదేశం పార్టీ అధినేత నారా చంద్రబాబు నాయుడు గారికి ఉండవల్లి నివాసంలో అందచేశారు. ఈ సందర్భంగా మన్నవ మోహన కృష్ణ గారు మాట్లాడుతూ నారా చంద్రబాబు నాయుడు గారి ఆధ్వర్యంలో ఎన్టీఆర్ ట్రస్ట్ ఎన్నో సేవ కార్యక్రమాలు చేస్తోంది. ఎన్టీఆర్ ట్రస్ట్ ఎంతో మంది పేద విద్యార్థులను చదివిస్తోంది, ఎన్టీఆర్ ట్రస్ట్ బ్లడ్ బ్యాంకు ద్వారా వేలాదిమందికి రక్తదానం చేస్తోంది, ఎన్టీఆర్ సుజల పధకంతో త్రాగు నీరు లేని ఎన్నో గ్రామాలకు త్రాగు నీరు అందిస్తుంది. ఉచిత మెడికల్ క్యాంప్ ల నిర్వహణ ఇలా పేదవారికీ అనేక సేవలు అందిస్తున్న ఎన్టీఆర్ ట్రస్ట్ కి 2 కోట్ల రూపాయలను విరాళంగా అందించటం చాలా సంతోషంగా ఉందని మన్నవ మోహనకృష్ణ గారు అన్నారు. అమెరికాలో వున్న తెలుగు వారు కూడా అమెరికా ఎన్టీఆర్ ఫౌండేషన్ కి సహాయసహకారాలు అందిస్తే ఎన్టీఆర్ ట్రస్ట్ ద్వారా మనం ఎంతో మంది పేదవారికి సహాయం చేసిన వాళ్ళం అవుతామని మన్నవ మోహన కృష్ణ అన్నారు. ఈ కార్యక్రమంలో NRI TDP అధ్యక్షుడు వేమూరి రవి గారు మరియు ఎన్టీఆర్ ఫౌండేషన్(USA) బోర్డు చైర్మన్ గొట్టిపాటి శ్రీధర్ గారు పాల్గొన్నారు. అమెరికా ఎన్టీఆర్ ఫౌండేషన్ కి మన్నవ మోహనకృష్ణ గారు 2 కోట్ల రూపాయల చెక్కును అందచేసినందుకు నారా చంద్రబాబు నాయుడు గారు మన్నవ మోహనకృష్ణ గారిని అభినందించారు.
