`ప్ర‌తిరోజూ పండ‌గే`తో ఓ సూప‌ర్ హిట్టు కొట్టాడు మారుతి. సాయిధర‌మ్ తేజ్ కెరీర్‌లోనే ఇది బిగ్గెస్ట్ హిట్‌. దాంతో మారుతి త‌దుప‌రి సినిమాపై మ‌రింత ఫోక‌స్ ప‌డింది. ర‌వితేజ‌, రామ్, విజ‌య్ దేవ‌ర‌కొండ‌… ఇలా చాలామంది పేర్లు బ‌య‌ట‌కు వ‌చ్చాయి. చివ‌రికి రామ్‌తో మారుతి సినిమా ప‌క్కా అయ్యింద‌ని వార్త‌లొచ్చాయి. అందుకు సంబంధించిన ప‌నుల్లో మారుతి బిజీగా ఉన్నాడ‌ని చెప్పుకున్నారు. అయితే ఈ కాంబినేష‌న్‌పై వ‌స్తున్న వార్త‌ల్ని మారుతి ఖండించారు. తన త‌దుప‌రి సినిమాకి సంబంధించి వ‌చ్చిన వార్త‌లేవీ నిజం కావ‌ని, ఏ హీరోతోనూ తాను క‌మిట్ కాలేద‌ని, ఇంకా స్క్రిప్టు ప‌నులు జ‌రుగుతూనే ఉన్నాయ‌ని, అన్నీ పూర్త‌య్యాక తానే హీరో ఎవ‌ర‌న్న‌ది చెబుతాన‌ని, ఈ ఒక్క న్యూసే నిజ‌మ‌ని, మిగిలిన‌వి న‌మ్మొద్ద‌ని ఆయ‌న ట్విట్ట‌ర్ ద్వారా విజ్ఞ‌ప్తి చేశారు. సో.. మారుతి హీరోల వేట ఇంకా కొన‌సాగుతూనే ఉంద‌న్న‌మాట‌. హీరో దొర‌కాలంటే ముందు క‌థ పూర్త‌వ్వాలి. ఆ త‌ర‌వాతే… మిగిలిన‌వన్నీ.