ప్ర‌తిరోజూ పండ‌గేతో ఓ సూప‌ర్ హిట్ కొట్టాడు మారుతి. ఈ సినిమా కొన్న‌వాళ్లంద‌రికీ రూపాయికి రూపాయి మిగిలింది. నిర్మాత‌లు, పంపిణీదారులు హ్యాపీ. ఈ సినిమాతో మారుతి రేంజు కూడా పెరిగింది. అయితే ఇప్పుడు ఓ చిత్ర‌మైన స‌మ‌స్య‌లో ఉన్నాడు మారుతి. త‌న చేతిలో కొంత‌మంది నిర్మాత‌లు ఉన్నారు. ఇప్ప‌టికే అడ్వాన్సులు ఇచ్చేశారు. హీరోలు సైతం `నువ్వు క‌థ చెప్పు చేసేద్దాం` అనేవాళ్లే. కానీ ఏ ఒక్క‌రూ ప్ర‌స్తుతం ఖాళీగా లేరు. మారుతి ముందు ర‌వితేజ‌, రామ్‌… అనే రెండు ఆప్ష‌న్లు ఉన్నాయి. ర‌వితేజ `క్రాక్‌`తో బిజీగాఉన్నాడు. రామ్ కూడా `రెడ్‌` సినిమాతో బిజీగా ఉన్నాడు. ఈ రెండు సినిమాలూ అయ్యేంత వ‌ర‌కూ మారుతి ఆగాలి. మ‌రో ఇద్ద‌రు ముగ్గురు హీరోలు సైతం మారుతితో సినిమాలు చేయ‌డానికి రెడీ గా ఉన్నారు. అయితే.. ఏ హీరోకి ముందు కమిట్‌మెంట్ ఇవ్వాల‌న్న‌ది అర్థం కాని ప‌రిస్థితి. ఓ హీరోకి మాటిచ్చేసి, తీరా త‌న కొత్త సినిమా ఫ్లాప్ అయితే.. ఆ భారాన్ని మారుతి మోయాల్సివుంటుంది. ఈ రిస్కు మారుతి చేస్తాడా? లేదంటే ప్ర‌స్తుతం ఏ హీరో ఖాళీగా ఉంటే ఆ హీరోతో స‌ర్దుకుపోతాడా.. అనేది ఆస‌క్తిగా మారింది. మారుతి ద‌గ్గ‌ర రెండు క‌థ‌లు రెడీగా ఉన్నాయి. ఆ రెండు క‌థ‌ల‌కూ రామ్ పర్‌ఫెక్ట్‌గా సూటైపోతాడు. కాక‌పోతే `రెడ్` అయ్యేంత వ‌ర‌కూ ఆగాలి. మ‌రి మారుతి ఏం చేస్తాడో.?