మారుతికి ఎప్ప‌టి నుంచో అల్లు అర్జున్‌తో సినిమా చేయాల‌ని ఆశ‌. ఇద్ద‌రి మ‌ధ్య మంచి బాండింగ్ ఉంది. మారుతితో సినిమా చేయ‌డానికి బ‌న్నీ ఎప్పుడూ సిద్ధ‌మే. కానీ మంచి కథ ఉంటే త‌ప్ప‌.. బ‌న్నీ వ‌ర‌కూ వెళ్ల‌కూడ‌దు అని ఫిక్స‌య్యాడు మారుతి. అందుకే ఇంత‌కాలం ఆగాడు. ఇప్పుడు ఆ క‌థ సిద్ధ‌మైపోయింది. ఇటీవ‌ల బ‌న్నీకి కూడా లైన్ వినిపించేశాడ‌ట మారుతి. బ‌న్నీ కూడా `రైట్‌…రైట్` అని ప‌చ్చ జెండా ఊపిన‌ట్టు తెలుస్తోంది. కానీ.. ఇప్పుడు సుకుమార్ సినిమాతో బిజీగా ఉన్నాడు బ‌న్నీ. ఆత‌ర‌వాత కూడా కొన్ని క‌మిట్మెంట్స్ ఉన్నాయి. వాటి మ‌ధ్య ఏమైనా గ్యాప్‌వ‌స్తే మారుతి సినిమా ప‌ట్టాలెక్కుతుంది. మారుతి కూడా ఏమాత్రం తొంద‌ర ప‌డ‌డం లేదు. బ‌న్నీ ఎప్పుడు పిలిస్తే.. అప్పుడు అంటున్నాడు. ఈలోగా త‌న‌కీ కొన్ని క‌మిట్‌మెంట్స్ ఉన్నాయి. మారుతి ద‌గ్గ‌ర సౌల‌భ్యం ఏమిటంటే… త‌క్కువ టైమ్ లో క్వాలిటీతో సినిమా చేయ‌గ‌ల‌డు. అందుకే మారుతి కూడా రిలాక్డ్స్‌గా ఉన్నాడు. రామ్ తో మారుతి ఓ సినిమా చేస్తాడ‌ని ఇది వ‌ర‌కు వార్త‌లొచ్చాయి. వాటిని మారుతి ఖండించాడు. ఇప్పుడు ఓ యువ హీరోతో సినిమా చేసే ప్ర‌య‌త్నాల్లో ఉన్నాడు మారుతి. ఆ వివ‌రాలూ త్వ‌ర‌లోనే బ‌య‌ట‌కు రానున్నాయి.