ర‌వితేజ తో ఓ సినిమా చేయాల‌ని ఫిక్స‌య్యాడు మారుతి. యూవీ, గీతా ఆర్ట్స్‌క‌లిసి ఈ సినిమాని నిర్మించాల‌ని ముందుకొచ్చాయి. అయితే,.. పారితోషికం విష‌యంలో పేచీ రావ‌డంతో ర‌వితేజ ఈ సినిమా నుంచి త‌ప్పుకున్నాడు. ర‌వితేజ డిమాండ్ చేసినంత పారితోషికం ఇవ్వ‌డానికి ఇష్టం లేక‌, నిర్మాత‌లూ లైట్ తీసుకున్నారు. ర‌వితేజ డ్రాప్ అవ్వ‌డంతో గోపీచంద్ లైన్ లోకి వ‌చ్చాడు.

అయితే… మారుతి దృష్టి ఇప్ప‌టికీ ర‌వితేజ‌పైనే ఉంది. `ప‌క్కా క‌మ‌ర్షియ‌ల్` అనే టైటిల్ కీ, తాను రాసుకున్న క‌థ‌కూ… ర‌వితేజ‌నే యాప్ట్ అని ఇప్ప‌టికీ న‌మ్ముతున్నాడు. అందుకే ర‌వితేజ‌ని ఒప్పించే ప్ర‌య‌త్నాలు మ‌ళ్లీ మొద‌లెట్టాడ‌ని టాక్‌. కావాలంటే త‌న పారితోషికం కొంత త‌గ్గించుకుని, అది కాస్త‌.. ర‌వితేజ పారితోషికంలో క‌ల‌ప‌డానికి సైతం సిద్ధ‌మ‌య్యాడు. అయితే.. ర‌వితేజ మాత్రం `12` కోట్ల ద‌గ్గ‌రే ఆగిపోయాడు. మారుతి త‌న పారితోషికం విష‌యంలో కాస్త దిగి వచ్చినా, ర‌వితేజ‌కు కావ‌ల్సినంత మాత్రం స‌ర్దుబాటు కావ‌డం లేదు. త‌న‌కు ర‌వితేజ కావాల‌ని మారుతి ఎలా త‌పిస్తున్నాడో, త‌న‌కు మారుతి కావాల‌ని ర‌వితేజ కూడా కాస్త అనుకుంటే.. ఈ ప్రాజెక్టు వ‌ర్క‌వుట్ అవుతుంది. లేదంటే ప్లాన్ బి…(గోపీచంద్‌తో) ఎలానూ ఉంది. మ‌రో వారం రోజుల్లోగా ఈ ప్రాజెక్టుపై ఓ క్లారిటీ వ‌స్తుంది.