విశ్వక్ సేన్ ‘మెకానిక్ రాకీ’ నవంబర్ 22న వస్తోంది. రవితేజ ముళ్లపూడి ఈ సినిమాని దర్శకుడు. ఆయనకి ఇదే మొదటి సినిమా. ఇప్పటికే ఫస్ట్ గేర్, ట్రైలర్ 1.0 అంటూ ప్రచార చిత్రాలు రిలీజ్ చేశారు. ఇప్పుడు ట్రైలర్ 2.0 బయటికి వచ్చింది.
ఫన్, రోమాన్స్, యాక్షన్, ఎమోషన్, థ్రిల్ ఇవన్నీ మిక్స్ చేసిన సినిమా ఇదని కొత్త ట్రైలర్ చూస్తుంటే అర్ధమౌతోంది. విశ్వక్ కి తండ్రి సంపాధించిన సొంత కార్ షెడ్ వుంటుంది. ఆ షెడ్ ని కొందరు చేజిక్కించుకోవాలని చూస్తారు. అప్పుడు తను ఏం చేశాడనేది ఇందులో ఎమోషనల్ పాయింట్. మీనాక్షి, శ్రద్దాతో లవ్ ట్రాక్స్ కూడా వుంది. సునీల్ క్యారెక్టర్ లుక్ కొత్తగా వుంది.
విశ్వక్ సినిమా అంటే బీప్ సౌండ్ పడే డైలాగులు వుంటాయి. ఈ ట్రైలర్ లో ఓ సెన్సార్ డైలాగ్ వుంది. అలాగే విశ్వక్ వైరల్ డైలాగ్ ‘సేఫ్ అవుట్’ ని ఇందులో మరో రకంగా వాడారు. ట్రైలర్ కి జేక్స్ బిజోయ్ ఇచ్చిన ఆర్ఆర్ రేసీగా వుంది. విజువల్స్ లో క్యాలిటీ కనిపించింది.
21న పెయిడ్ ప్రిమియర్స్ వేస్తున్నారు. అక్కడ ఆడియన్స్ రెస్పాన్స్ తోనే 22న మిగతా ఆడియన్స్ సినిమా చూడండని కాన్ఫిడెంట్ గా చెబుతున్నాడు విశ్వక్.
