బడా నిర్మాత దిల్ రాజు అంటే అదో బ్రాండ్.. హీరోని చూసి, దర్శకులను చూసి సినిమాలకు వచ్చినట్టు దిల్ రాజు బ్యానర్ కి ఉన్న నిర్మాణ విలువలు చూసి ప్రేక్షకులు సినిమాలకు వస్తారు. దిల్ రాజు పతాకం నుండి మంచి సినిమాలు వస్తాయని ప్రేక్షకుల నమ్మకం.. ఫీల్ గుడ్ మూవీస్ లో తన బ్యానర్ కు ఒక సెపరేట్ ఇమేజ్ ని ఏర్పాటుచేసుకున్న దిల్ రాజు ఈ మధ్య కొంత గాడి తప్పినా మళ్లీ ఇప్పుడు మళ్లీ తన పాత పంథాని కొనసాగించాలనే ప్లాన్ లో ఉన్నాడు.
దిల్ రాజు సినిమా అంటే డేట్స్ ఇచ్చేందుకు కుర్ర హీరోలు రెడీగా ఉంటారు. అయితే దిల్ రాజు మెగా హీరోలను తన వలలో వేసుకున్నాడని అంటున్నారు. మెగా పవర్ స్టార్ రామ్ చరణ్, స్టైలిష్ స్టార్ అల్లు అర్జున్ తో సినిమాలు చేసిన దిల్ రాజు ఇప్పుడు ఆ ఫ్యామిలీ నుండే వచ్చిన కుర్ర హీరోలు సాయి ధరం తేజ్, వరుణ్ తేజ్ లతో వరుస సినిమాలు చేసేందుకు రంగం సిద్ధం చేసుకున్నాడు.
ప్రస్తుతం సాయి ధరంతేజ్ తో ‘సుప్రీమ్’ సినిమా నిర్మిస్తున్న దిల్ రాజ్ మళ్లీ సాయి హీరోగా మరో సినిమా చేస్తున్నాడు. ఇక వరుణ్ తేజ్ తో ‘ఫీల్ మై లవ్’ సినిమా చేస్తున్న దిల్ రాజు క్రిష్, వరుణ్ తేజ్ కలిసి చేసే ‘రాయబారి’ సినిమాను కూడా నిర్మిస్తున్నాడని తెలుస్తుంది. మొత్తంగా మెగా హీరోలను తన బ్యానర్లోనే వరుసెంట సినిమాలు చేసేలా తన వల్లో వేసుకున్నాడని అంటున్నారు.
